Туристические маршруты, заповедные территории, советы психолога — «Академкнига» предлагает
Книжный магазин «Академическая книга» (пр.Независимости, 72) предлагает подборку новых изданий.
Вольга Лабачэўская. Мастацтва дзеля славы Божай: саламяныя іканастасныя вароты і царкоўна-культавыя прадметы
У кнізе можна пабачыць унікальныя шэдэўры беларускага дэкаратыўна-прыкладнога мастацтва — саламяныя царскія вароты пачатку XIX ст. з іканастасаў палескіх цэркваў.
У альбоме паказаны і сучасны працяг унікальнай традыцыі — выраб копій старадаўніх саламяных іканастасных варотаў і шлюбных вянцоў, арыгінальных твораў для цэркваў — іканастасаў, кіётаў ікон, вянчальных карон і мітр для святароў.
Кніга ўзбагачае веды аб гісторыі беларускага мастацтва.
50 унікальных запаведных тэрыторый Беларусі
Выданне прысвечана 50 самым каштоўным, асабліва ахоўным прыродным тэрыторыям Беларусі. Чытач азнаёміцца з іх асаблівасцямі, раслінным і жывёльным светам, турыстычнымі і рэкрэацыйнымі рэсурсамі.
У кнізе ёсць поўныя пералікі зарэгістраваных у межах кожнага запаведніка відаў раслін і жывёл, уключаных у Чырвоную кнігу.
Аляксандр Лакотка. Маршруты беларускага турызму: гісторыка-культурныя ландшафты Беларусі
Кніга прысвечана пытанням развіцця інфраструктуры турызму ў Беларусі. У ёй - звесткі пра шматлікія хутары, вёскі, мястэчкі з прыкладамі мясцовых міфалогіі і апісаннем навакольных ландшафтаў.
Кніга багата ілюстраваная. Пададзеныя карты лакальных раёнаў з пазначэннем рэкамендаваных аб'ектаў, турыстычнымі маршрутамі.
Пясэцкі Сяргей. Вавілонская вежа. У двух тамах
Гэта серыя шпіёнскіх раманаў пра прыгоды Юзафа — агента польскай, французскай і англійскай разведак у часе Другой сусветнай.
Міхаіл Лабкоўскі. Хачу і буду: прыняць сябе, палюбіць жыццё і стаць шчаслівым
Псіхолаг Міхаіл Лабкоўскі абсалютна ўпэўнены, што чалавек можа і мае права быць шчаслівым і рабіць толькі тое, што ён хоча. Яго кніга пра тое, як зразумець сябе, здабыць гармонію і навучыцца радавацца жыццю.
Адкуль у нас усвядомленыя і несвядомыя трывогі, страхі, няўменне слухаць сябе і будаваць адносіны з іншымі людзьмі?
Адметная рыса падыходу Лабкоўскага - у канкрэтыцы. На любы самае складанае пытанне ён заўсёды дае гранічна даходліва адказ.Аўтар не хаваецца за абцякальнымі фармулёўкамі, а выразна называе прычыны праблем без капання ў дзіцячых псіхатраўмах і пільнага аналізу мінулага.
Трасцянец. Трагедыя народаў Еўропы
Кніга прысвечана трагічным падзеям, якія адбываліся ў 1941—1944 гадах каля былой вёскі Малы Трасцянец Мінскага раёна. Тут існавала найбуйнейшая на акупаванай тэрыторыі СССР нацысцкая «фабрыка смерці». Яе ахвярамі сталі 206,5 тысячы людзей.
У кнізе змешчаны гістарычныя звесткі пра вёскі Малы і Вялікі Трасцянец, падрабязны расповяд пра трагедыю часоў Другой сусветнай і ўшанаванне памяці ахвяр.
Уладзімір Арлоў. Belarus. The Epoch of the Grand Duchy of Lithuania
У арыгінале кніга «Краіна Беларусь. Вялікае Княства Літоўскае» выйшла шэсць гадоў таму і займела вялікі поспех не толькі ў Беларусі.
Яна прысвечаная найцікавейшай эпосе беларускай мінуўшчыны — часам Вялікага Княства Літоўскага, якое сваёй гістарычнай радзімай лічаць не толькі беларусы і літоўцы, але і ўкраінцы, а таксама беларускія татары і габрэі-літвакі.
Цяпер выйшла перавыданне на англійскай мове.
Комментарии