Prezident ZŠA Donald Tramp zaniaŭ apošniaje miesca ŭ rejtynhu suśvietnaha davieru, jaki skłaŭ amierykanski analityčny centr Pew Research Center.
Centr apytaŭ bolš za 26 tysiač čałaviek, kab vyśvietlić, jak žychary 25 krain śvietu staviacca da piaci suśvietnych lidaraŭ. 27% apytanych skazali, što Tramp prymaje pravilnyja rašeńni ŭ suśvietnaj palitycy, zvarotnaha mierkavańnia prytrymlivajucca 70%. Prezidentu Rasii Uładzimiru Pucinu ŭ toj ža čas daviarajuć 30% respandentaŭ (nie daviarajuć 62%).
Samy vysoki rejtynh davieru ŭ kanclera FRH Anhieły Mierkiel (52%), jašče tracina (31%) joj nie daviaraje. Na druhim miescy prezident Francyi Emaniuel Makron, jakomu daviarajuć 46%, a nie daviarajuć 34%. Lidaru Kitaja Si Czińpinu daviarajuć 34% suprać 56% adpaviedna.
Centr Pew Research Center pravioŭ daśledavańnie ab mižnarodnym imidžy ZŠA, prymierkavaŭšy jaho da dvuchhodździa prezidenctva Donalda Trampa.
Drukujecca ŭ miežach śpiecyjalnaj rubryki «Naviny Hiermanii»
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku16
Kamientary