Minharvykankam admoviŭsia nazyvać imiony tych, chto nibyta suprać «šyldy BNR»
Minharvykankam nie budzie paviedamlać imiony hramadzianaŭ, jakija vystupajuć suprać ustalavańnia šyldy ŭ honar 100-hodździa BNR. Pra heta havorycca ŭ adkazie namieśnika staršyni Minharvykankama Ihara Jurkieviča, jaki pryjšoŭ na zapyt žurnalista Sieviaryna Kviatkoŭskaha. Pra heta piša «Jeŭraradyjo».
Pierad tym Jurkievič paviedamlaŭ, što šyldu ŭ honar 100-hodździa Biełaruskaj Narodnaj Respubliki nie viešajuć, bo suprać jaje jość «šerah zvarotaŭ hramadzian». Tamu pytańnie pra metazhodnaść ustalavańnia šyldy jašče razhladajecca.
Raniej ułady abiacali ŭstalavać šyldu napiaredadni 100-hadovaha jubileju, adnak potym spravu zamarudzili. U vyniku šylda dahetul nie ŭstalavanaja.
Sieviaryn Kviatkoŭski paprasiŭ udakładnić, kolki zvarotaŭ było suprać ustalavańnia šyldy i ad kaho. Jurkievič u svajoj admovie spasłaŭsia na artykuł 28 Kanstytucyi Biełarusi: «Kožny maje prava na abaronu ad niezakonnaha ŭmiašańnia ŭ jaho asabistaje žyćcio, u tym liku ad zamachu na tajnu jaho karespandencyi, telefonnych i inšych paviedamleńniaŭ, na jaho honar i hodnaść».
Darečy, pietycyja za ŭstalavańnie šyldy, jak adznačaje Radyjo «Svaboda», sabrała bolš za 3300 podpisaŭ.
Kamientary