Prezident Polščy Andžej Duda zajaviŭ, što rašeńnie pra raźmiaščeńnie amierykanskaj vajskovaj bazy ŭ krainie ŭžo pryniataje. Pra heta jon skazaŭ u efiry telekanała Polsat News.
«Tyja, chto viedajuć amierykanskuju ŭnutranuju palityku, kažuć: kali viaducca nastolki pradmietnyja razmovy i Bieły dom vielmi surjozna cikavicca hetaj temaj, heta značyć, što, nasamreč, rašeńnie ŭžo pryniataje, zastajucca tolki techničnyja pytańni», — padkreśliŭ Duda.
Duda adznačyŭ, što infrastruktura bazy budzie stvaracca na praciahu hoda.
Jon zaŭvažyŭ, što budaŭnictva ŭ krainie amierykanskaj bazy padvysić biaśpieku i budzie źjaŭlacca strymlivajučym faktaram dla Rasii.
«Ja nie pamiataju, kab Rasija kali-niebudź advažvałasia napadać na krainu, dzie prysutničaje amierykanskaja armija», — zajaviŭ prezident.
U toj ža čas, jon dadaŭ, što heta nie vyzvalaje Polšču ad adkaznaści za ŭzmacnieńnie ŭłasnaj armii.
Ciapier čytajuć
Na mitynhu ŭ Vilni palicyja zatrymała pravakatara. A Cichanoŭski zajaviŭ pra namier dabivacca sustrečy ź Zialenskim1
Kamientary