U MUS raskazali, čamu ID-karty źjaviacca ŭ biełarusaŭ na hod paźniej

Źniešnie ID-karta budzie padobnaja na bankaŭskuju, ale na hetym padabienstva zakančvajecca. Novy dakumient zamienić biełarusam pašpart, dazvolić atrymlivać pasłuhi dziaržaŭnych struktur, a z časam z takoj kartkaj možna budzie vyjazdžać za miažu. Płanavałasia, što ID-karty pačnuć vydavać z 1 studzienia 2019 hoda, ale termin pieranieśli na hod.

Pavialičyć

— Hety bijamietryčny prajekt realizujecca jašče z adnym vielmi cikavym i hłabalnym prajektam dla našaj krainy — Biełaruskaj intehravanaj servisna-raźlikovaj sistemaj (BISRS). I da 1 studzienia 2019 hoda prajekty musili być hatovymi, ale, na žal, sistema nie hatovaja, tamu i vypusk ID-karty pakul niemetazhodny, — tłumačyć Pavieł Chryščanovič, namieśnik načalnika ŭpraŭleńnia pa hramadzianstvie, pašpartnaj pracy i vyjeździe za miažu MUS.

U MUS adznačajuć: ź ich boku jość usie mahčymaści vydavać novy dakumient z 2019 hoda, ale tolki ID-karta nie budzie mieć usich prahram, nie zmoža padklučycca da sistemy. Heta budzie «hoły» płastyk biez načyńnia i mahčymaściej. Tamu pryniali rašeńnie pieranieści termin vydačy ID-karty na hod.

— Tolki heta nie značyć, što 1 studzienia 2020 hoda ŭsie biełarusy abaviazkova pavinny buduć atrymać ID-kartu i bijamietryčny pašpart, — kamientuje Pavał Chryščanovič. — Usie raniej vydadzienyja pašparty buduć sapraŭdnyja.

Pavialičyć

U čałavieka budzie vybar: pačakać, pakul skončycca termin dziejańnia pašparta, abo pa žadańni zamianić jaho na ID-kartu. Jaje košt budzie ŭ miežach adnoj bazavaj vieličyni (siońnia heta 24,50 rubla), i jana stanie svojeasablivym unutranym pašpartam. Akramia taho, ID-karta dapamoža atrymlivać pasłuhi dziaržaŭnych struktur. Naprykład, ź jaje dapamohaj možna budzie zamović daviedku.

Płanujecca, što jak tolki ID-karty zapracujuć u Biełarusi, naša kraina pačnie pieramovy ź inšymi dziaržavami, kab biełarusy mahli padarožničać z hetym dakumientam. Źniešnie jana budzie vyhladać, jak bankaŭskaja kartka, na joj dźvie fatahrafii — kalarovaja i čorna-biełaja. Pa słovach śpiecyjalistaŭ, padrabić ID-kartu budzie niemahčyma, tamu što na joj vialikaja kolkaść stupieniaŭ abarony.

Pavialičyć

Darečy, bijamietryčny pašpart atrymajuć nie ŭsie, a tolki tyja, chto budzie vyjazdžać za miažu. Płanujecca, što košt hetaha dakumienta budzie składać 3 bazavyja vieličyni (siońnia heta 73 rubli 50 kapiejek).

• 0
• 0
• 0
• 0
• 0
• 0
• 0
• 0