Zorka mjanmanskaha chip‑chopu Zajar Taŭ i jaho paplečniki byli asudžanyja ŭ čaćvier na niekalki hadoŭ turmy. Chip-choperaŭ pryznali vinavatymi ŭ arhanizacyi masavych biesparadkaŭ u krainie.
Zorka mjanmanskaha chip‑chopu Zajar Taŭ (Zayar Thaw) i jaho paplečniki byli prysudžanyja ŭ čaćvier da niekalkich hadoŭ turmy.
Pieraśledavanyja vajennaj chuntaj (jana kiruje krainaj ad 1989 h.) Taŭ - udzielnik papularnaj hrupy ACID - i piaciora jaho paplečnikaŭ pa moładzievym ruchu «Chvala pakaleńnia» byli aryštavanyja ŭ červieni. Jany brali ŭdzieł u maršy pratestu, prymierkavanym da dnia naradžeńnia Aun San Su Čžy — liderki apazycyi Mjanmy , jakaja doŭhija hady znachodzicca pad chatnim aryštam.
Taŭ i jahonyja siabry atrymali pa piać hadoŭ źniavoleńnia, jak i 14 siabraŭ apazycyjnaj «Nacyjanalnaj lihi za demakratyju» (NŁD), u dačynieńni da jakich byli vystaŭlenyja tyja samyja abvinavačańni.
Usiaho ž za minuły hod pad trybunał trapili bolš za sotniu dziejačaŭ apazycyi. Niekatoryja ź ich atrymlivali da 65 hadoŭ turmy, paśla čaho byli adpraŭlenyja ŭ kalonii ŭ samyja addalenyja rehijony krainy.
Minułaj vosieńniu Mjanma apynułasia na miažy hramadzianskaj vajny, kali sotni tysiač budyjskich manachaŭ, studentaŭ i niezadavolenych vyjšli na vulicy pad lozunhami źviaržeńnia dyktatury.
Vystupy byli padaŭlenyja, ale ad masavych represij suprać apazycyi ŭtrymaŭ tady cisk AAN, ZŠA i Eŭrasajuzu.
U Minsku adbylisia masavyja zatrymańni vydaŭcoŭ i kniharaspaŭsiudnikaŭ33
Kamientary