Druhi z abvinavačanych Łondanam u atručvańni byłoha aficera HRU Siarhieja Skrypala i jaho dački Julii ŭ brytanskim Sołśbiery Alaksandr Piatroŭ — na samaj spravie vajskovy miedyk, padpałkoŭnik HRU Alaksandr Miškin. Pra heta havorycca ŭ paviedamleńni hrupy Bellingcat.
Miškin naradziŭsia 13 lipienia 1979 hoda ŭ pasiołku Łojha Archanhielskaj vobłaści. Jon vučyŭsia ŭ adnoj z elitnych vajskova-miedycynskich akademij i prajšoŭ padrychtoŭku dla pracy lekaram dla rasijskich VMS.
Padčas vučoby Miškin byŭ zavierbavany HRU. U 2010 hodzie jon pierajechaŭ u Maskvu, dzie atrymaŭ pašpart na imia Alaksandra Piatrova.
Z 2011 pa 2018 hady Miškin časta padarožničaŭ pad imiem Piatrova, havorycca ŭ rasśledavańni. Bellingcat vyśvietliła, što jon niekalki razoŭ jeździŭ va Ukrainu i ŭ Prydniastroŭje. U śniežni 2013 hoda jon pryjazdžaŭ u Kijeŭ.
