Другі з абвінавачаных Лонданам у атручванні былога афіцэра ГРУ Сяргея Скрыпаля і яго дачкі Юліі ў брытанскім Солсберы Аляксандр Пятроў — на самай справе вайсковы медык, падпалкоўнік ГРУ Аляксандр Мішкін. Пра гэта гаворыцца ў паведамленні групы Bellingcat.
Мішкін нарадзіўся 13 ліпеня 1979 года ў пасёлку Лойга Архангельскай вобласці. Ён вучыўся ў адной з элітных вайскова-медыцынскіх акадэмій і прайшоў падрыхтоўку для працы лекарам для расійскіх ВМС.
Падчас вучобы Мішкін быў завербаваны ГРУ. У 2010 годзе ён пераехаў у Маскву, дзе атрымаў пашпарт на імя Аляксандра Пятрова.
З 2011 па 2018 гады Мішкін часта падарожнічаў пад імем Пятрова, гаворыцца ў расследаванні. Bellingcat высветліла, што ён некалькі разоў ездзіў ва Украіну і ў Прыднястроўе. У снежні 2013 года ён прыязджаў у Кіеў.
Цяпер чытаюць
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі4444
Каментары