Abmierkavańnie pytańnia atrymańnia Tomasa (adpusknaja hramata ab aŭtakiefalii) mahčyma tolki paśla spravazdačy ekzarchaŭ Suśvietnaha patryjarcha ŭ Stambule 10 kastryčnika, piša Ukrainskaja praŭda.
Pra heta ŭ fejsbuku paviedamiŭ pradstaŭnik Kijeŭskaj patryjarchii archijepiskap Jaŭstracij.
9 kastryčnika ekzarchi adbyli z Kijeva ŭ Stambuł, dzie buduć davać spravazdaču 10 kastryčnika.
«Tolki paśla hetaha mahčyma abmierkavańnie pytańnia Tomasa. Tamu paviedamleńnie, što «Tomas užo jość» — nie adpaviadajuć rečaisnaści, a infarmacyjna — škodnyja, bo paśla chvali «pieramohi» pojdzie chvala «zdrady», kali akažacca, što pytańnie Sinod jašče nie abmierkavaŭ», — padkreśliŭ jon.
«Zmahalisia za aŭtakiefaliju 100 hadoŭ — tamu možam jašče trochi pabyć strymanymi!», — dadaŭ jon.
Akramia hetaha, pradstaŭnik Kijeŭskaj patryjarchii nahadaŭ «darožnuju kartu» da atrymańnia Tomasa.
Pieršym etapam «darožnaj karty» źjaŭlajecca rašeńnie Sinoda Suśvietnaha patryjarchata ab pradastaŭleńni Tomasa ab aŭtakiefalii.
Zatym na asnovie hetaha rašeńnia — sklikańnie i praviadzieńnie ŭ Kijevie Sabora z udziełam archirejaŭ UPC KP, UAPC i UPC MP, jakija źviarnulisia da Suśvietnaha Patryjarcha z prośbaj ab Tomasie.
«Sabor ažyćciavić carkoŭnaje abjadnańnie, utvaryŭšy adzinuju pamiesnuju UPC, i abiare jaje Kiraŭnika (my budziem vyłučać i padtrymlivać Patryjarcha Fiłareta), — adznačyŭ Jaŭstracij.
Treci etap - atrymańnie Kiraŭnikom adzinaj pamiesnaj aŭtakiefalnaj UPC Tomasa jak dakumienta (hramaty).
Pasiadžeńnie Sinoda ŭ Stambule adbyvajecca z 9 pa 11 kastryčnika.
Ciapier čytajuć
Skandał u «Jeŭraopcie». 96‑hadovamu dziadulu nie dazvolili prysieści na kresła kala kasy17
Kamientary