MUS Italii źbirajecca pieramiaścić usich mihrantaŭ z paŭdniovaha horada Ryjače, jaki šmat hadoŭ prymaje biežancaŭ, paviedamlaje VVS. Mihrantaŭ pieraviazuć u inšyja centry dla mihrantaŭ. Pra heta abviaścili praź niekalki dzion paśla aryštu mera horada Damienika Łučana pa abvinavačvańni ŭ arhanizacyi šlubaŭ dla imihracyjnych metaŭ.
Mer małanasielenaha horada prapanoŭvaŭ mihrantam zakinutyja damy i navučańnie biez adryvu ad pracy ŭ nadziei, što jany daduć šturšok ekanomicy.
Jon raspačaŭ hetuju sistemu ŭ 1998 hodzie pry papiarednim uradzie, i z tych časoŭ sotni mihrantaŭ pasialilisia ŭ miastečku, dzie pražyvali kala 2000 čałaviek.
Jaho aryšt u pačatku miesiaca vyklikaŭ pratesty i nacyjanalnuju dyskusiju ab mihracyjnym prajekcie.
Ministr unutranych spraŭ Italii Matea Salvini i jaho pravaja partyja «Liha» zajavili, što ŭrad «abviaściŭ vajnu imihracyjnamu biznesu».
Łučana skazaŭ, što abskardzić svajo ŭtrymańnie pad vartaj, zajaviŭšy, što ŭrad «choča nas źniščyć».
Pieršaje abvinavačvańnie ŭ adras mera Łučana było ŭ tym, što jon arhanizoŭvaŭ šluby, kab abyjści imihracyjnyja praviły.
Prakurory skazali, što jany prasłuchoŭvali telefon Łučana i zapisali jak minimum adnu razmovu, u jakoj mer prapanoŭvaŭ šlub u jakaści rašeńnia prablem imihracyi dla žančyny.
U jakaści mera Łučana taksama adkazvaŭ za rehistracyju hramadzianskich sajuzaŭ.
Prakurory zajavili, što jamu taksama pradjaŭlena abvinavačvańnie ŭ raźmierkavańni pasłuh pa zbory śmiećcia dźvium kampanijam bieź nieabchodnych tendaraŭ.
Ciapier čytajuć
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary