Sioleta pieramožcaj stała 93-hadovaja ŭradženka Polščy Tova Rynhier.
Konkurs pryhažości «Mis, jakaja pieražyła Chałakost» pravodzicca z 2012 hoda. Udzielnicam robiać makijaž i pryčoski. Žančyny chodziać pa podyumie, niekatoryja nie biez dapamohi starońnich. Meta konkursu — dapamahčy tym, chto vyžyŭ u Chałakoście, i adčuć siabie značnymi i pryhožymi.
Tova Rynhier, pieramožca konkursu ŭ 2018, kaža: «Kali ja pryjšła siudy, ludzi byli takimi dobrazyčlivymi. Mnie vielmi spadabałasia. I ja vam skažu čamu. Tam, dzie ja žyvu, u mianie zusim niama siabroŭ. Z usich maich siabroŭ žyvaja tolki ja. Ja pryjechała siudy, kab paciešycca i paramazmaŭlać. Ja ščaślivaja, što mianie zaprasili. Ź pieršaha dnia ŭsie mianie lubiać».
Pieramožca konkursu straciła ŭ Aśviencimie baćkoŭ i babulu.
«Nas było čatyry siastry, što vyžyli. Doma ja była šostym dziciem u siamji. Čaćviora z nas byli ŭ kancłahiery i vyžyli. My sustrelisia paśla vajny. Usie ŭžo pamierli. Mianie adpravili ŭ dziciačy dom. Ja zastałasia adna. U mianie nikoha niama. Bolš niama siaścior. Ale ŭ mianie jość dzieci. Jany anioły. Jość unuki i praŭnuki. Što ja mahu vam skazać: vy nidzie nie znojdziecie takich dziaciej», — kaža Tova Rynhier.
