Biełaruski startap pa dyjahnostycy chvarob praz fota trapiŭ u šort-list mižnarodnaj premii
Miedtech-startap ź Biełarusi Deep Dee uvajšoŭ u šort-list prestyžnaj mižnarodnaj premii Aspirin: Social Innovation Award 2018 z pryzavym fondam €100 tysiač, paviedamlaje dev.by.

Kamanda Deep Dee pracuje na styku miedycynskaj techniki i štučnaha intelektu i stvaraje miechanizm rańniaj dyjahnostyki chvarob pa fatahrafijach vočnaha dna. Ałharytmy ŭžo mohuć raspaznavać cukrovy dyjabiet, u płanach u pradprymalnikaŭ — navučycca «bačyć» i inšyja zachvorvańni.
«Kali my atrymajem padtrymku ludziej i vyjhrajem premiju, kamanda atrymaje mahčymaść chutčej zapuścić prajekt u tych miescach, dzie dostup da prafiesijnaj miedycyny abmiežavany, i dzie heta patrabujecca ŭ pieršuju čarhu dzieciam. Naprykład, u afrykanskich rehijonach, — raspavioŭ techničny kiraŭnik prajekta Alaksiej Kuźmiankoŭ.
Ciapier čytajuć
«Kali ciapier chierova, značyć, heta jašče nie kaniec». Pahutaryli z epatažnym «śviatarom XXI stahodździa», pra jakoha nie było čuvać piać hadoŭ paśla aryštu

Kamientary