U subotu, 13 kastryčnika, kala 3 hadziny nočy ŭ Słucku zhareŭ lehkavy aŭtamabil. Miarkujecca, jaho padpaliŭ mužčyna paśla svarki ź siabram. Zaraz padazronaha zatrymali.
U noč z 12 na 13 kastryčnika dva siabry va ŭzroście 30 hadoŭ adpačyvali ŭ adnym sa słuckich kafe. Jany spačatku vypili, a potym pasvarylisia i pabilisia.
Kali mužčyny razyšlisia, adzin ź ich, pavodle śledstva, vyrašyŭ adpomścić svajmu tavaryšu. Jon padyšoŭ da mašyny siabra (jana była adčyniena), uziaŭ zapałki i padpaliŭ futravyja čachły ŭ mašynie. U vyniku sałon aŭtamabila vyhareŭ całkam.
Adździeł kryminalnaha vyšuku vyśvietliŭ asobu padazravanaha ŭ padpale. Suprać jaho raspačata kryminalnaja sprava za naŭmysnaje źniščeńnie (paškodžańnie) majomaści. Pa artykule 218 častki 2 KK za takoje złačynstva karajuć abmiežavańniem voli na termin da piaci hadoŭ abo pazbaŭleńniem voli na termin ad troch da dziesiaci hadoŭ.
Jak Jadźvihin Š. smažyŭ u redakcyi skvarki i čamu łožak Kupały nahadvaŭ dochłaha viarbluda. Ivulin i Astapienia źniali zachaplalny film pra «Našu Nivu»

Kamientary