Viadziecca prapracoŭka mahčymych vizitaŭ Alaksandra Łukašenki ŭ šerah dziaržaŭ ES, zajaviŭ ministr zamiežnych spraŭ krainy Uładzimir Makiej, adkazvajučy na adpaviednaje pytańnie, paviedamlaje Interfaks. Kiraŭnik viedamstva 15 kastryčnika pabyvaŭ u Luksiemburhu na sustrečy ministraŭ krain — udzielnic Uschodniaha partniorstva.
«Prablemy ŭ nas va ŭzajemaadnosinach ź Jeŭrapiejskim sajuzam zastajucca, ale jość adnaznačnaje razumieńnie, što treba ruchacca nasustrač adzin adnamu, treba raźvivać uzajemadziejańnie, jakoje pavinna być nacelena na pavyšeńnie ŭzroŭniu dabrabytu ludziej, na raźvićcio ekanomiki krain. I heta samaje hałoŭnaje», — padkreśliŭ ministr.
U adkaz na pytańnie ab mahčymych pajezdkach Alaksandra Łukašenki ŭ šerah dziaržaŭ ES Makiej zajaviŭ, što prapracoŭka takich vizitaŭ viadziecca.
«Heta rečy, na jakija my hladzim vielmi ŭvažliva. Jakaja tematyka vizitu, ci budzie kankretnaja karyść, addača ad taho ci inšaha vizitu, i prapanovy adpaviedna dakładvajucca prezidentu. Pazicyja biełaruskaj dziaržavy zaŭsiody ŭ tym, što niama sensu ažyćciaŭlać vizit dziela vizitu. Vizit pavinien prynieści kankretnyja dyvidendy, vyniki dla krainy, dla naroda. i hetyja vyniki pavinny być adčuvajucca i značnymi», — patłumačyŭ pazicyju Minska Makiej.
Ciapier čytajuć
Studentka, jakaja ŭciakła ad aryštu ŭ 2020-m, pracuje na krajniaj poŭnačy Narviehii i zrazumieła skandynaŭski recept ščaścia34
Studentka, jakaja ŭciakła ad aryštu ŭ 2020-m, pracuje na krajniaj poŭnačy Narviehii i zrazumieła skandynaŭski recept ščaścia
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier77
Kamientary