Вядзецца прапрацоўка магчымых візітаў Аляксандра Лукашэнкі ў шэраг дзяржаў ЕС, заявіў міністр замежных спраў краіны Уладзімір Макей, адказваючы на адпаведнае пытанне, паведамляе Інтэрфакс. Кіраўнік ведамства 15 кастрычніка пабываў у Люксембургу на сустрэчы міністраў краін — удзельніц Усходняга партнёрства.
«Праблемы ў нас ва ўзаемаадносінах з Еўрапейскім саюзам застаюцца, але ёсць адназначнае разуменне, што трэба рухацца насустрач адзін аднаму, трэба развіваць узаемадзеянне, якое павінна быць нацэлена на павышэнне ўзроўню дабрабыту людзей, на развіццё эканомікі краін. І гэта самае галоўнае», — падкрэсліў міністр.
У адказ на пытанне аб магчымых паездках Аляксандра Лукашэнкі ў шэраг дзяржаў ЕС Макей заявіў, што прапрацоўка такіх візітаў вядзецца.
«Гэта рэчы, на якія мы глядзім вельмі ўважліва. Якая тэматыка візіту, ці будзе канкрэтная карысць, аддача ад таго ці іншага візіту, і прапановы адпаведна дакладваюцца прэзідэнту. Пазіцыя беларускай дзяржавы заўсёды ў тым, што няма сэнсу ажыццяўляць візіт дзеля візіту. Візіт павінен прынесці канкрэтныя дывідэнды, вынікі для краіны, для народа. і гэтыя вынікі павінны быць адчуваюцца і значнымі», — патлумачыў пазіцыю Мінска Макей.
Цяпер чытаюць
Вось якое хараство за 40 мільёнаў даляраў прадае сябар-трэнер Лукашэнкі2
Вось якое хараство за 40 мільёнаў даляраў прадае сябар-трэнер Лукашэнкі
«Паставілі палаткі, развялі вогнішчы». МУС пацвердзіла затрыманне 350 чалавек пад Расонамі. Знайшлі і аргумент: «Многія ў голым выглядзе перад малалетнімі»1010
«Паставілі палаткі, развялі вогнішчы». МУС пацвердзіла затрыманне 350 чалавек пад Расонамі. Знайшлі і аргумент: «Многія ў голым выглядзе перад малалетнімі»10
У Шэймана знайшлі яшчэ адну магчымую каханку і сына. Сакратарка без вышэйшай адукацыі за лічаныя гады стала ўласніцай раскошных дамоў і гандлёвага цэнтра2828
Каментары