U noč na 20 kastryčnika źjaviłasia infarmacyja pra avaryju ŭ Pinsku. Nibyta supracoŭnik milicyi na słužbovym aŭto źbiŭ piešachoda na pierachodzie kala 12 hadziny nočy. Ale ci praŭda heta?
Vidavočcy paćviardžajuć fakt DTZ. La piešachodnaha pierachoda stajała milicejskaja mašyna z raźbitym škłom, na miescy pracavali supracoŭniki DAI, stajała chutkaja.
Ale ž padrabiaznaści zdareńnia pakul nieviadomyja. U Pinskim HAUS paviedamili, što na vychodnych nie mohuć ničoha prakamientavać.
Dźmitry Ivaniuk, aficyjny pradstaŭnik Śledčaha kamiteta pa Bresckaj vobłaści, raspavioŭ «NN», što śledčyja na miesca zdareńnia nie vyjazdžali. Heta značyć, što kali i było DTZ, to paciarpieły - kali jon byŭ - žyvy i nie atrymaŭ ciažkich cialesnych paškodžanńniaŭ.
