Siońnia prajšło pasiadžeńnie futbolnaha arbitražu ABFF pa pytańni Paŭła Savickaha. Pryniata rašeńnie, što bresckaje «Dynama» pavinna vypłacić «Niomanu» kampiensacyju ŭ pamiery 265 tysiačy dalaraŭ. Na pasiadžeńni prysutničaŭ bos bresckaha «Dynama» Alaksandr Zajcaŭ, pieradaje biełaruskaja «Trybuna».
Raniej kamitet pa statusie i pierachodach ABFF pastanaviŭ vypłacić «Niomanu» za atakujučaha paŭabaronca 398,23 tys. dalaraŭ. Adnak brescki kłub padaŭ apielacyju.
Savicki pierajšoŭ u «Dynama» ŭ śniežni 2017 hoda. Pieršapačatkova «Nioman» patrabavaŭ kampiensacyju ŭ 600 tysiač dalaraŭ, ale paźniej baki damovilisia na 211, ale bieraściejcy nie vypłacili ich praz toje, što hrodziency nibyta parušyli ŭmovu ab pryvatnaści pieramovaŭ. U Bresta jość miesiac, kab raźličycca ź niomancami.
