Poźnier pryznaŭsia, što jamu soramna za łozunh «Možam paŭtaryć!» 30
Žurnalist Uładzimir Poźnier raskazaŭ, što adčuvaje soram za suajčyńnikaŭ, jakija prymacoŭvajuć da svaich aŭtamabilaŭ šyldy z łozunham «Možam paŭtaryć!», prymierkavanyja da śviatkavańnia Dnia Pieramohi ŭ Vialikaj Ajčynnaj vajnie. Pra heta televiadučy napisaŭ u svaim Instagram-akaŭncie.
U publikacyi Poźnier parazvažaŭ, što jon by moh adkazać svajmu pryjacielu na prośbu rastłumačyć značeńnie takoha nadpisu. Sa słoŭ žurnalista, jon moh by raskazać jamu pra rasijan, jakija marać pra vajnu i pahražajuć ujaŭnamu supierniku.«Heta značyć, hatovyja znoŭ stracić amal 30 miljonaŭ čałaviek, hatovyja na toje, kab jašče dziasiatki miljonaŭ stali kalekami, kab miljony dziaciej vyraśli sirotami abo biez baćkoŭ, kab tysiačy našych viosak i haradoŭ byli źniesieny z tvaru ziamli, kab naša kraina była adkinutaja na niekalki dziesiacihodździaŭ — usio heta «My možam paŭtaryć!» — skazaŭ na zakančeńnie Poźnier.
Na dumku televiadučaha, ludzi, jakija pieražyli vajnu, praklali by tych, chto kaža pra jaje paŭtor. Jon nazvaŭ ludziej, jakija marać pra vajnu, «biazmozhłym hniusami, hodnymi pahardy».
Sa słoŭ Poźniera, jamu było soramna skazać usio heta znajomamu. «Ja moh by ŭsio heta skazać svajmu francuzskamu pryjacielu, ale nie skazaŭ», — patłumačyŭ jon.
Vykazvańnie žurnalista spravakavała sprečki ŭ kamientarach. Niekatoryja padtrymali jaho punkt hledžańnia, zajaviŭšy, što vieterany vajny, jakija maryli, kab ich dzieci žyli ŭ miry, pryjšli b u žach ad padobnych nalepak na aŭtamabilach. Adnak šmat kamientataraŭ paličyli, što televiadučy niazdolny zrazumieć sens hetych łozunhaŭ, tamu što jon «niaruski».