U Saviet ministraŭ Biełarusi 1 listapada nakiravanaja petycyja «Zrabić Dziady niepracoŭnym dniom — dać mahčymaść ušanavać prodkaŭ!» z 2.588 podpisami, paviedamiła radyjo «Svaboda». Aŭtary kalektyŭnaha zvarotu, katalickija vierniki, prosiać zrabić niepracoŭnymi dniami 1 abo 2 listapada, kali nia tolki kataliki, ale i mnohija inšyja biełarusy naviedvajuć mahiły svaich blizkich pamierłych.
U narodzie hetaje staražytnaje śviata paminańnia pamierłych nazyvajuć Dziady. Da 1998 hodu 2 listapada było ŭ Biełarusi niepracoŭnym — naroŭni z pravasłaŭnaj Radaŭnicaj, jakuju adznačajuć uviesnu. Ale ŭkazam ad 26 sakavika 1998 hodu № 157 «Ab dziaržaŭnych śviatach, śviatočnych dniach i pamiatnych datach u Respublicy Biełaruś» Dzień pamiaci prodkaŭ byŭ pryznany śviatočnym, adnak pracoŭnym dniom. Tady ž byli skasavanyja vychodnyja paniadziełki paśla Vialikadnia.
Kamientary