«Barsiełona», «Reał», «MIU», «Bavaryja» i jašče 12 kłubaŭ płanujuć stvaryć Supierlihu ŭ 2021 hodzie
«Bavaryja» tajemna abmiarkoŭvała ź inšymi kłubami mahčymaść stvareńnia novaj Supierlihi, paviedamlaje Football Leaks.
Pavodle infarmacyi krynicy, byŭ raspracavany prajekt, pavodle jakoha sučasnaja Liha čempijonaŭ pierastanie isnavać u 2021 hodzie. Zamiest hetaha turniru 11 kłubaŭ Jeŭropy vyjduć z UEFA i stvorać novuju lihu.
Płanujecca, što ŭ hetaj lizie budu ŭdzielničać 16 kamandaŭ, ź jakich 11 kłubaŭ-zasnavalnikaŭ buduć udzielničać u turniry 20 hadoŭ i nie mohuć być vyklučanyja. Jašče piać kłubaŭ budu zaprošany ŭ jakaści «haściej».
U dakumiencie jak kłuby-zasnavalniki paznačany «Bavaryja», «Reał», «Barsiełona», «Mančester Junajted», «Juvientus», «Arsienał», «PSŽ», «Čełsi», «Mančester Sici», «Livierpul» i «Miłan». U liku «haściej»: «Atletyka», dortmundskaja «Barusija», «Inter», «Marsel» i «Roma».
Padpisańnie hetaha dakumienta ŭsimi kłubami pavinna adbycca ŭ listapadzie 2018 hoda.
Ciapier čytajuć
Dźmitryja Łukašenki nie było z baćkam i bratami na adznačeńni 3 Lipienia5
Kamientary