«Барселона», «Рэал», «МЮ», «Баварыя» і яшчэ 12 клубаў плануюць стварыць Суперлігу ў 2021 годзе
«Баварыя» таемна абмяркоўвала з іншымі клубамі магчымасць стварэння новай Суперлігі, паведамляе Football Leaks.
Паводле інфармацыі крыніцы, быў распрацаваны праект, паводле якога сучасная Ліга чэмпіёнаў перастане існаваць у 2021 годзе. Замест гэтага турніру 11 клубаў Еўропы выйдуць з УЕФА і створаць новую лігу.
Плануецца, што ў гэтай лізе буду ўдзельнічаць 16 камандаў, з якіх 11 клубаў-заснавальнікаў будуць удзельнічаць у турніры 20 гадоў і не могуць быць выключаныя. Яшчэ пяць клубаў буду запрошаны ў якасці «гасцей».
У дакуменце як клубы-заснавальнікі пазначаны «Баварыя», «Рэал», «Барселона», «Манчэстэр Юнайтэд», «Ювентус», «Арсенал», «ПСЖ», «Чэлсі», «Манчэстэр Сіці», «Ліверпуль» і «Мілан». У ліку «гасцей»: «Атлетыка», дортмундская «Барусія», «Інтэр», «Марсэль» і «Рома».
Падпісанне гэтага дакумента ўсімі клубамі павінна адбыцца ў лістападзе 2018 года.
Цяпер чытаюць
«Напісалі, як я хачу вярнуцца ў святую Расію». Прапаганда перакруціла жарт беларускі і прыдумала фэйк пра загніваючую Амерыку1
Каментары