U Novaj Kaledonii — administracyjnaja terytoryja Francyi z asablivym statusam u Cichim akijanie — prachodzić refierendum. Pytańnie na im staić nastupnym čynam: «Ci chočacie vy, kab Novaja Kaledonija damahłasia poŭnaha suvierenitetu i stała niezaležnaj».
Łahier nacyjanalistaŭ uznačalvaje Roš Vamitan. «Francuzskaje dziaržava — kałanizatar, jakaja padparadkavała miljony čałaviek, udzielničała ŭ žachlivych masavych zabojstvach! Tut i ciapier jana nie maje namieru ničoha vypuskać sa svaich ruk», — zajaviŭ jon na adnym z apošnich pieradvybarnych mitynhaŭ.
Razam z tym, pavodle apytańniaŭ, bolšaść žycharoŭ archipiełaha — 66% — majuć namier prahałasavać suprać poŭnaj niezaležnaści ad Francyi.
Viadomy ŭ minułym palityk Eli Puahan kaža: «Moj pohlad na situacyju źmianiŭsia, u dačynieńni da Francyi taksama. Raniej jana była kałanizataram, abychodziłasia z nami žorstka. Ale ŭ apošni čas jana stała značna bolš dobrazyčlivaj, uvažlivaj da nasielnictva, asabliva da kanakaŭ», — kaža jon.
Vyniki refierendumu stanuć viadomyja ranicaj u niadzielu pavodle minskaha času. Na papiarednim plebiscycie, što prajšoŭ 20 hadoŭ tamu, prychilniki niezaležnaści paciarpieli parazu.
Kamientary