Meryja Varšavy zabaraniła marš nacyjanalistaŭ, jaki pavinien byŭ prajści ŭ horadzie 11 listapada. U hety dzień u krainie buduć uračysta śviatkavać sotuju hadavinu atrymańnia Polščaj niezaležnaści, piša Radyjo Svaboda.
U 2012 hodzie ŭ Polščy ŭpieršyniu z časoŭ sacyjalizmu zakanadaŭča dazvolili miascovym orhanam ułady nakładać zabaronu na publičnyja mierapryjemstvy — tolki ź mierkavańniaŭ biaśpieki. Mer Varšavy ź liberalnaj partyi «Hramadzianskaja platforma» Channa Hrankievič-Valc niekalki hadoŭ zapar nie admianiała štohadovaha mitynhu nacyjanalistaŭ.
Ale kiraŭnica polskaj stalicy, jakaja sychodzić u adstaŭku paśla miascovych vybaraŭ, ciapier zrabiła heta, abhruntoŭvajučy svajo rašeńnie niedastatkovymi mahčymaściami varšaŭskaj palicyi. Na jaje dumku, palicyjanty nie zmahli b zabiaśpiečyć hramadzki paradak padčas maršu.
Pradstaŭnik varšaŭskaj palicyi Sylvester Marčak u razmovie z polskaj «Hazetaj Vyborčaj» raskazaŭ, što Hrankievič-Valc nie abmiarkoŭvała svajo rašeńnie ź Ministerstvam unutranych spraŭ i što jamu ničoha nie viadoma pra niejkija prablemy z tym, kab harantavać biaśpieku. Nacyjanalisty ŭžo zajavili, što źbirajucca pravieści mitynh nasupierak zabaronie, i ciapier niezrazumieła, chto budzie sačyć za hramadzkim paradkam u niadzielu, dadaŭ Marčak.
Marš nacyjanalistaŭ u dzień niezaležnaści Polščy arhanizujecca ŭ Varšavie z 2010 hoda. Padčas maršaŭ rehularna hučali rasisckija i antysemickija lozunhi, nacyjanalistaŭ taksama zatrymlivali za chulihanstva i psavańnie majomaści. U 2011 hodzie ŭdzielniki maršu padpalili mašynu polskaha telekanału TVN24, ź jakoj žurnalisty viali tranślacyju mierapryjemstva.
Ciapier čytajuć
«U mianie na stale piać hadoŭ lažała papiera ź pieradačaj prava apieki nad synam». Volha Sieviaryniec — pra hady strachu, antydepresanty i nadzieju1212
Kamientary