Biełarusa Juryja Ałajeva zatrymali ŭ suviazi z napadam na žančynu. Jon ździejśniŭ heta złačynstva ŭ listapadzie 2016 hoda. Padrabiaznaści pryvodzić maskoŭskaja prakuratura.
Ałajeŭ zaŭvažyŭ žančynu, jakaja havaryła pa mabilnym la svajoj mašyny. Pierakanaŭšysia, što śviedak niama, biełarus napaŭ na žančynu, staŭ dušyć i bić pa hałavie. U vyniku paciarpiełaja straciła prytomnaść i ŭpała na ziamlu.
Zatym jon zaciahnuŭ žančynu na zadniaje siadzieńnie mašyny, skraŭ płanšet, mabilnik i hrošy, a taksama, skarystaŭšysia tym, što paciarpiełaja znachodziłasia biez prytomnaści, zhvałciŭ jaje.
Ad atrymanych paškodžańniaŭ 39-hadovaja žančyna pamierła.
Paśla Ałajeŭ skraŭ aŭtamabil «Toyota Rav 4».
Akramia taho, padčas rasśledavańnia hetaj kryminalnaj spravy daviedalisia pra datyčnaść biełarusa jašče da adnaho złačynstva.
Tak, 12 kastryčnika 2016 hoda abvinavačvany vyrvaŭ z ruk u žančyny sumku, u jakoj znachodzilisia mabilnik, fotaaparat, kašalok, aščadnaja knižka i fłeš-karty.
Zatrymali Ałajeva ŭ sakaviku 2018 hoda. Padčas rasśledavańnia biełarus znachodziŭsia ŭ SIZA, dzie taksama paśpieŭ «adznačycca». Jon pasvaryŭsia z sukamiernikam i vielmi žorstka źbiŭ jaho.
U vyniku 25-hadovamu Ałajevu prysudzili 22 hady kałonii strohaha režymu.
Ciapier čytajuć
Na pieradśmiarotnym videa z kałonii nasamreč byŭ nie Vitold Ašurak. Źjavilisia novyja padrabiaznaści śmierci palitviaźnia33
Kamientary