U amierykanskim horadzie Juryka (Paŭdniovaja Dakota), pamierła znakamitaja honščyca i kaskadziorka Kici O'Nił, jakoj naležyć suśvietny rekord chutkaści, ustalavany žančynaj. Pra heta paviedamlaje BBC News.
Kici O'Nił naradziłasia ŭ 1946 hodzie. Va ŭzroście piaci miesiacaŭ dziaŭčynka straciła słych, adnak maci navučyła jaje čytać pa vusnach i razmaŭlać. U junactvie jana zajmałasia skačkami ŭ vadu i rychtavałasia da adboračnych spabornictvaŭ, jakija mahli zabiaśpiečyć joj miesca ŭ alimpijskaj zbornaj.
Z-za traŭmy O'Nił daviałosia admovicca ad spartyŭnych ambicyj, zatym jana zachvareła na mieninhit śpinnoha mozhu. Ačuniaŭšy, dziaŭčyna pieraklučyłasia na vodnyja łyžy, akvałanh, skački z parašutam i paloty na deltapłanie. U pačatku 1970-ch u jaje znajšli rak, ale paśla lačeńnia chvaroba adstupiła.
U 1974 hodzie O'Nił stała kaskadzioram. Siarod inšaha, jana vykonvała truki ŭ filmach «Braty Bluz» i «Omien II». Z 1977 hoda O'Nił była dubloram vykanaŭcy hałoŭnaj roli ŭ sieryjale «Žančyna-cud». Jana źniałasia ŭ 52 sieryjach i pastaviła dva rekordy: skoknuła z vyšyni 39 mietraŭ, čaho da jaje nie rabiła nivodnaja žančyna-kaskadzior, a zatym sama ž pabiła heta dasiahnieńnie, skoknuŭšy ź viertalota, jaki zavis na vyšyni 55 mietraŭ.
U 1970 hodzie O'Nił pastaviła rekord pa chutkaści na vodnych łyžach siarod žančyn — 168,74 kiłamietra ŭ hadzinu. U 1976 hodzie jana prajechała pa dnie vysachłaha voziera na trochkołavym balidzie z reaktyŭnym ruchavikom na pierakisie vadarodu. O'Nił razahnała jaho da 824 kiłamietraŭ u hadzinu i stała samaj chutkaj honščycaj u historyi. Hety rekord trymajecca dahetul.
Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia11
Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary