Ściapan Sucharenka, jaki z 2005 pa 2007 uznačalvaŭ KDB, z 2017 hoda pracavaŭ u Banku raźvićcia. Tudy jon pryjšoŭ pa zaprašeńni Siarhieja Rumasa i ŭznačalvaŭ upraŭleńnie biaśpieki i abarony infarmacyi.
Ale pa infarmacyi «Našaj Nivy» ciapier Sucharenka tam užo nie pracuje. Hety fakt paćvierdzili i ŭ Banku Raźvićcia. Viadoma, što pakinuŭ pasadu 61-hadovy Sucharenka jašče letam. Ale pryčyny zvalnieńnia i siońniašniaje miesca jaho pracy pakul nieviadomyja.
Ściapan Sucharenka najbolš viadomy svaimi zajavami pra pacukoŭ. Nibyta ŭ dzień vybaraŭ u 2006 hodzie apanienty Łukašenki źbiralisia atrucić vadapravod dochłymi pacukami. Sucharenka zapeŭnivaŭ, što apazicyja płanavała vybuchi ŭ škołach i siłavy zachop ułady z dapamohaj bajevikoŭ z Ukrainy, Hruzii i byłoj Juhasłavii. Praŭda, raskrytaja «zmova» tak i nie pryviała da sudovych pracesaŭ nad «terarystami».
Paśla zvalnieńnia z KDB Sucharenka siem hadoŭ pracavaŭ pasłom u Armienii.
Łatuška: Ryžankoŭ maryć stać prezidentam Biełarusi i nienavidzić Łukašenku. Jon nie projdzie detektar chłuśni6
Kamientary