Wikimedia Commons
Padvodnaja łodka San Juan, jakaja źnikła 15 listapada 2017 hoda z 44 marakami na borcie, znojdziena padčas pošukavaj apieracyi, jakuju pravodziła z dapamohaj dystancyjna kiravanaha aparata amierykanskaja kampanija Ocean Infinity.
Pra heta havorycca ŭ paviedamleńni Vajenna-marskich sił Arhienciny, apublikavanym na sajcie viedamstva.
Submaryna, pošuki jakoj praciahvalisia bolš za hod, znachodzicca na hłybini 800 mietraŭ.
Apieracyja pa vyratavańni ekipaža padłodki była aficyjna spynienaja 1 śniežnia 2017 hoda.
Arhiencinskija ŭłady 5 śniežnia 2017 hoda aficyjna pryznali hibiel ekipaža padvodnaj łodki. U pošukach dapamahali 18 krain.
Dyzielnaja padvodnaja łodka San Juan źnikła paśla taho, jak vyjšła z porta Ušuaja i nakiravałasia ŭ Mar-del-Płata. Na jaje borcie byli 44 čałavieki. Apošni raz jana padavała sihnał za 432 km ad Atłantyčnaha ŭźbiarežža Arhienciny, a zatym źnikła.