Biełaruskija zaŭziatary razharnuli na trybunach vielizarny bieł-čyrvona-bieły ściah.
Zbornaja Biełarusi pa futbole siońnia ŭ apošnim tury Lihi nacyj vyjhrała ŭ haściach u San-Maryna ź likam 2:0. Vyznačylisia Stas Drahun i Anton Saroka.
U hrupie D2 biełarusy finišavali na pieršym miescy, nie prapuściŭšy ŭ šaści matčach nivodnaha miača.
Biełaruś — 14, Luksiemburh — 10, Małdova — 9, San-Maryna — 0.
Pieršaje miesca aznačaje, što zbornaja Biełarusi vyjšła ŭ finalny turnir dyvizijona D Lihi nacyj.
U im uviesnu 2020 hoda voźmuć čatyry kamandy — pieramožcy turniraŭ u svaich hrupach. U našym vypadku heta buduć zbornyja Hruzii, Makiedonii, a taksama abo Kosava, abo Azierbajdžana.
Pieramožca hetaha turniru atrymaje pramuju pucioŭku na čempijanat Jeŭropy pa futbole.
Taksama zbornaja Biełarusi vyjšła ŭ dyvizijon S. Novy turnir projdzie, vidać, u druhoj pałovie 2020 hoda. Tut užo supiernikami buduć takija zbornyja, jak Hrecyja, Vienhryja, Turcyja, Paŭnočnaja Irłandyja, Irłandyja, Narviehija i h.d. Usio ž macniej, čym Luksiemburh, Hibrałtar ci San-Maryna.
