Зборная Беларусі па футболе сёння ў апошнім туры Лігі нацый выйграла ў гасцях у Сан-Марына з лікам 2:0. Вызначыліся Стас Драгун і Антон Сарока.
У групе D2 беларусы фінішавалі на першым месцы, не прапусціўшы ў шасці матчах ніводнага мяча.
Беларусь — 14, Люксембург — 10, Малдова — 9, Сан-Марына — 0.
Першае месца азначае, што зборная Беларусі выйшла ў фінальны турнір дывізіёна D Лігі нацый.
У ім увесну 2020 года возьмуць чатыры каманды — пераможцы турніраў у сваіх групах. У нашым выпадку гэта будуць зборныя Грузіі, Македоніі, а таксама або Косава, або Азербайджана.
Пераможца гэтага турніру атрымае прамую пуцёўку на чэмпіянат Еўропы па футболе.
Таксама зборная Беларусі выйшла ў дывізіён С. Новы турнір пройдзе, відаць, у другой палове 2020 года. Тут ужо супернікамі будуць такія зборныя, як Грэцыя, Венгрыя, Турцыя, Паўночная Ірландыя, Ірландыя, Нарвегія і г.д. Усё ж мацней, чым Люксембург, Гібралтар ці Сан-Марына.
«Мае спінагрызы са мной». Ціханоўская расказала, што ўжо выбірае для дзяцей школу ў Варшаве12
Каментары