Darahi Mikałaj Vasiljevič!
Prezidyum Biełaruskaj sacyjał-demakratyčnaj partyi (Hramady) rady vitać Vas i vinšavać u dzień Vašaha 80-hodździa.
Maładym chłopcam vy stali ŭ apazicyju balšavickamu režymu. Vy nie pabajalisia napisać praŭdu samamu vysokamu načalstvu pra ździeki z zachodniebiełaruskich junakoŭ, jakich pryzyvali ŭ Savieckuju Armiju i adpraŭlali na samuju ciažkuju i niaŭdziačnuju słužbu. Vy mieli mužnaść vystupić z prapanovaju, kab biełaruskija chłopcy słužyli ŭ Biełarusi.
Na pačatku 1990-ch hadoŭ Vaša mara ažyćciaviłasia. Maładych biełarusaŭ bolš nie pasyłajuć na Kušku i Kurylskija astravy, u “haračyja kropki” ŭ roznych rehijonach płaniety.
“Antysavieckaja prapahanda i ahitacyja”, jakuju viali Vy i sotni inšych śmiełych ludziej, dała svoj plon: kamunistyčny režym pierastaŭ isnavać, Biełaruś stała niezaležnaju.
My ŭpeŭnieny, što ažyćciavicca i Vaša mara, za jakuju balšavicki režym kinuŭ Vas ŭ mardoŭskija łahiery: Biełaruś stanie demakratyčnaju krainaju, praces pryniaćcia ŭładaj rašeńniaŭ stanie prazrysty, ułada budzie adkazvać pierad narodam.
U hety dzień my rady padkreślić, što Vy, Mikałaj Vasiljevič, z pačatku 1990-ch hadoŭ źviazali svajo žyćcio z žyćciom i dziejnaściu Biełaruskaj sacyjał-demakratyčnaj partyi. My dziakujem Vam za mužnaje zmahańnie, za viernaść pryncypam sacyjał-demakratyi.
Pasyłajučy Vam pryvitańnie i vinšavańnie, žadajem Vam, darahi naš Mikałaj Vasiljevič, dobraha zdaroŭja, badzioraha nastroju i ŭpeŭnienaści ŭ zaŭtrašnim dni.
Z tavaryskim pryvitańniem
Anatol Laŭkovič, Miečasłaŭ Hryb, Ihar Masłoŭski, Ivan Antaškievič, Anatol Sidarevič, Valery Frałoŭ, Anatol Hnieŭka, Michaś Varaniec, Alaksandr Padojnicyn, Aleh Šabietnik.
Ciapier čytajuć
Trend siarod biełaruskich zumieraŭ i milenijałaŭ: usio bolš moładzi viartajecca žyć da baćkoŭ3
Kamientary