Na Kastryčnickaj i Niamizie pastaviać u hetym hodzie niezvyčajnyja navahodnija jełki FOTY
Učora na Kastryčnickaj płoščy pačali manciravać hałoŭnuju jołku krainy, na jakoj pavinny zaharecca ahni 15 śniežnia. TUT.BY daviedaŭsia, jak jana budzie vyhladać i čym charakternaja. Taksama ŭ Minharvykankamie pakazali, jakija novyja paviljony pastaviać kala Pałaca respubliki, a jakuju jołku — kala Pałaca sportu.
Kastryčnickaja: całkam novaja kancepcyja
Užo niekalki hadoŭ na Kastryčnickaj płoščy prachodzić navahodni kirmaš z draŭlanymi handlovymi paviljonami źleva ad Pałaca respubliki. Tam pradajuć ježu, hlintviejn i suvieniry. Astatniaja terytoryja vialikaj płoščy tołkam nijak nie zadziejničana, bo katok apošnija hady nie zalivajuć.
Ale ŭ hetym hodzie ŭsio pavinna pamianiacca, bo navahodni kirmaš raspaŭsiudzicca na ŭvieś pierymietr Kastryčnickaj. Voś tak budzie arhanizavana prastora:
Jak bačym, na Kastryčnickaj płoščy pastaviać paviljony, scenu, śvietłavyja fihury žyvioł, atrakcyjony i inšaje. Płanujecca navat navahodni paravozik dla dziaciej.
Zaŭvažym, što zamiest draŭlanych handlovych paviljonaŭ na płoščy źjaviacca šklanyja zbudavańni. Jany buduć sabrany ŭ čatyry soty, pa try paviljony ŭ kožnaj.
Vytvorčaściu paviljonaŭ zajmajecca minskaja kampanija VDS vytvorčaść, jakaja realizavała šmat paśpiachovych prajektaŭ u śfiery haradskoha dyzajnu ŭ Rasii i Kazachstanie.
Što ž tyčycca jełki, to jana ŭ hetym hodzie taksama budzie novaj dla horada. U «Mienskharśviatle» raspaviadaje, što dreva budzie aformleny hirlandami na asnovie piksielnych technałohij. Kožnaja krynica śviatła budzie dystancyjna kiravana. Heta značyć na jołcy možna budzie pakazvać roznyja śvietłavyja postaci, malunki i tekst. Vyhladać jana pavinna nastupnym čynam:
Pałac sportu: novaja jełka i paviljony z Kastryčnickaj
Niezvyčajnaj navahodniaja jołka budzie i la Pałaca sportu. Jaje źniešni vyhlad raspracavaŭ biełaruski dyzajnier Adryjan Chrapicki. Jana charakternaja jašče i tym, što nad joj «Minharśviatło» aformić kampazicyju ŭ vyhladzie zornaha nieba.
Što ž tyčycca kirmašu kala Pałaca sportu, to na jaje pierajeduć draŭlanyja paviljony z Kastryčnickaj płoščy. Tut taksama buduć pradavać ježu, hlintviejn i suvieniry.
Čakajecca, što hirlandy na jołkach uklučać 15 śniežnia, a kirmašy zapracujuć 20 śniežnia.
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3333
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?33
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary