Staršynia Słužby biaśpieki Ukrainy (SBU) Vasil Hrycak paćvierdziŭ, što na zatrymanych na Kierčanskim pralivie ŭkrainskich karablach znachodzilisia supracoŭniki vajskovaj kontrraźviedki SBU.
«Aficery ŭkrainskaj śpiecsłužby vykonvali zadačy kontrraźviedvalnaha zabieśpiačeńnia padraździaleńnia VMS Ukrainy, jak heta praduhledžana artykułam 12 zakona «Ab Słužbie biaśpieki Ukrainy», - cytuje Hrycak pres-słužba SBU.
Viedamstva adznačaje, što vajennyja kontrraźviedčyki supravadžajuć padraździaleńni Uzbrojenych sił, Nacyjanalnaj hvardyi i Dziaržaŭnaj pamiežnaj słužby Ukrainy.
«Ździŭleńnie ža asobnych aficyjnych asob RF ab prysutnaści supracoŭnikaŭ SBU na borcie karabloŭ zusim nie śviedčyć pra adsutnaść padobnaj praktyki ŭ orhanach kontrraźviedki krainy-ahresara», - skazana ŭ paviedamleńni SBU.
