Vyjšaŭ u śviet pierakidny kalandar na 2009 hod «Baćki dziaržaŭnaści Biełarusi».Staronki kalendara ŭpryhožvajuć 12 zdymkaŭ dziejačaŭ BNR, jakija na dumku stvaralnikaŭ kalendara najbolš paŭpłyvali na farmavańnie biełaruskaj dziaržaŭnaści.
 Aleś Mazanik |
Tut i braty Łuckievičy, i Vacłaŭ Łastoŭski, i vydaviec «Našaj Nivy» Alaksandr Ułasaŭ, a taksama staršynia Rady BNR Piotra Krečeŭski, Branisłaŭ Taraškievič dy inšyja.
Nad kalendarom pracavali šmat viadomych ludziej. Pa navukovuju dapamohu inicyjatary prajektu Aleś Mazanik i Juraś Adamovič źviarnulisia da historyka Aleha Hardzijenki i piśmieńnika Ŭładzimiera Arłova. Pryŭnosiŭ u suchija bijahrafičnyja źviestki podych daŭniny fiłołah Źmicier Saŭka. Afarmlała kalandar Asia Papłaŭskaja.
Aleś Mazanik kaža: «Našaj asnoŭnaja metaj było raspavieści nieabaznanamu, ale achvočamu pra vytoki biełaruskaj niezaležnaści. Čamu ŭ formie kalandara? Chiba chacieli źvieści minułaje z sučasnaściu, pakazać, što i čarhovy, ciapierašni hod jość vynikam kolišnich, vielmi važnych dla biełaruskaj krainy padziejaŭ».
Pad Novy hod Aleś i K° planujuć vydać taksama kišennyja kalandaryki na 2009 hod z vyjavami tych ža 12 dziejačaŭ BNR.
Pierakidny kalandar možna kupić na knižnym kirmašy (Kupały, 27) i na staroncy ŭ Siecivie knihi.net.
