Urad unios na razhlad Łukašenki prapanovy ab uzmacnieńni roli dziaržavy jak ułaśnika ŭ kiravańni pradpryjemstvami. Pra heta žurnalistam raspavioŭ premjer-ministr Siarhiej Rumas, paviedamlaje BiełTA.
Pavodle słoŭ premjer-ministra, pytańnie ab kiravańni dziaržpradpryjemstvami vyklikała najbolšuju dyskusiju na naradzie z kiraŭnictvam Saŭmina.
«Pry kiravańni bujnymi akcyjaniernymi tavarystvami ź pieravažnaj dolaj dziaržavy jość dobryja prykłady, kali sfarmavanyja na hetych pradpryjemstvach rady dyrektaraŭ (naziralnyja rady) efiektyŭna realizujuć funkcyi ŭłaśnika. Razam z tym jość i inšyja prykłady, kali stvoranyja orhany kiravańnia pracujuć farmalna. Na žal, heta pryvodzić da niasłušnych inviestycyjnych rašeńniaŭ, i finansavyja vyniki pracy hetych pradpryjemstvaŭ pakidajuć žadać lepšaha», — adznačyŭ Siarhiej Rumas.
Jon kanstatavaŭ, što ŭ siarednim pradukcyjnaść pracy na pradpryjemstvach ź dziaržaŭnaj ułasnaściu nižejšaja, čym na pryvatnych pradpryjemstvach abo pradpryjemstvach z udziełam zamiežnaha kapitału.
«U suviazi z hetym urad unios na razhlad kiraŭnika dziaržavy prapanovy ab uzmacnieńni roli dziaržavy jak ułaśnika ŭ kiravańni hetymi pradpryjemstvami. U pieršuju čarhu heta tyčycca orhanaŭ kiravańnia — naziralnych radaŭ abo radaŭ dyrektaraŭ, z dapamohaj jakich dziaržava realizuje svaju funkcyju kiravańnia hetymi pradpryjemstvami praz pryznačeńnie tudy svaich pradstaŭnikoŭ», — zajaviŭ premjer-ministr.
Ciapier čytajuć
«Byŭ hałodny, jak z Aśviencima, nie jeŭ ni miasa, ni harodniny». Što viadoma pra śmierć babrujskaha žurnalista, na jakoha zaviali kryminalnuju spravu ŭ Polščy1616
Kamientary