Biełaruś raźličvaje ŭ 2009 hodzie kuplać rasijski haz pa canie nie vyšej za 160 dalaraŭ za tysiaču kubamietraŭ.
Pra heta na pres‑kanfierencyi 11 śniežnia ŭ Minsku zajaviŭ namieśnik ministra ekanomiki Uładzimir Adaškievič.
«My, hruntujučysia na raźlikach i zaležnaści cen na haz ad cen na naftu, prapanujem takuju canu rasijskamu boku.
My raźličvajem i na 140 dołaraŭ za tysiaču kubamietraŭ», — zaznačyŭ U.Adaškievič.
U 2008 hodzie cana na haz pavialičvałasia dvojčy. Z 1 studzienia jana składała 119 dalaraŭ za tysiaču kubamietraŭ, z 1 krasavika — 128 dalaraŭ.
U.Adaškievič zaznačyŭ, što raniej była ahučana prapanova rasijskaha boku ab canie bolš za 200 dalaraŭ za tysiaču kubamietraŭ.
Pavodle słoŭ namieśnika ministra, «z canoj my vyznačymsia da 25 śniežnia hetaha hoda». Rasijski bok «pakul maŭčyć», skazaŭ U.Adaškievič.
Ad cany na haz, zaznačyŭ čynoŭnik, u nastupnym hodzie buduć zaležać prahnoznyja pakazčyki inflacyi. Ciapier na 2009 hod jany zapłanavany na ŭzroŭni 9—11%. U 2008 hodzie, jak prahnazujecca, uzrovień inflacyi składzie 14%.
Ciapier čytajuć
Redaktara niezaležnaj baranavickaj haziety «Inteks-Pres» Janukieviča prysudzili da 14 hadoŭ kałonii, jaho namieśnika Pakalenku — da 12 hadoŭ11
Kamientary