31 śniežnia kala 5.30 u vyniku kanfliktu, jaki ŭźnik pamiž naviednikami adnaho z baraŭ na vulicy Zybickaj, zahinuŭ 46-hadovy žychar stalicy, paviedamlaje sajt HUUS Minharvykankama.
Supracoŭniki milicyi vyśvietlili, što dźvie kampanii mužčyn adpačyvali ŭ bary na vulicy Zybickaj. Padčas raśpićcia ałkaholnych napojaŭ u 46-hadovaha žychara stalicy ŭźnik kanflikt z mužčynam ź inšaj kampanii. Pryčynaj hetaha kanfliktu stała sproba adnaho z mužčyn stancavać na stale.
46-hadovy minčanin zrabiŭ zaŭvahu, jakaja nie spadabałasia inšaj kampanii. Kab vyrašyć kanflikt, mužčyny vyjšli na vulicu, dzie paśla 46-hadovy žychar stalicy atrymaŭ try ŭdary ŭ tvar. Paciarpieły pamior na miescy da pryjezdu chutkaj.
Supracoŭniki kryminalnaha vyšuku pa «haračych śladach» zatrymali mužčynu, jaki maje dačynieńnie da ździajśnieńnia złačynstva. Im akazaŭsia 28-hadovy žychar horada Hrodna. Raniej jon da kryminalnaj adkaznaści nie pryciahvaŭsia.
U dačynieńni da jaho raspačataja kryminalnaja sprava pa artykule «Pryčynieńnie śmierci pa nieaściarožnaści», jaki praduhledžvaje da troch hod pazbaŭleńnia voli.
Jak paśla kanca śvietu. Ahrasiadzibu ŭ Salihorskim rajonie zaniesła ziamloj3
Kamientary