Zroblena heta było paśla analizu rynku kredytavańnia žylla i jaho abjomaŭ.
Biełarusbank ciapier ažyćciaŭlaje tolki kredytavańnie budaŭnictva žylla — dla tych, chto maje patrebu ŭ palapšeńni žyllovych umovaŭ(«čarhavikoŭ») u biełaruskich rublach pad 15% hadavych terminam na 15 hod, i dla tych, chto nie maje patreby, pad 20% hadavych terminam na 15 hod.
Taksama Biełarusbank paviedamlaje pra źnižeńnie na pracentnaj staŭki na 5 pracentnych punktaŭ pry daterminovym pahašeńni fizičnymi asobami kredytaŭ na ahulnych padstavach. Zroblena heta, vidać, dzie taho, kab ludzi chutčej viartali kredyty.
***
Jość «naviny» i ŭ inšych bankaŭ Biełarusi.
Deltabank naohuł prypyniŭ vydaču kredytaŭ va ŭsich handlovych kropkach, paviedamlaje infobank.by.
Biełaruski Narodny Bank vydaje kredyty tolki na spažyvieckija patreby ŭ dalarach terminam na 3 hady ažno pad 22% hadavych.
Bielinviestbank maje čarhu na razhlad zajavak 2‑3 tydni. Biełźniešekanambank vydaje kredytnyja kartki na 3 hady ŭ biełaruskich rublach pad 24%, u valucie pad 23% z daviedkaj pra dachody.
A Pryjorbank paviedamlaje, što spažyvieckija kredyty hatoŭkaj i na kartku vydajucca tolki ŭ valucie pad 15% da 2500 dalaraŭ ZŠA, u biełaruskich rublach — vydajecca bieznajaŭny kredyt na apłatu tavaraŭ u handlovych kropkach pad 18%, zaznačaje infobank.by.
