«Naša Niva» publikuje abnoŭleny rejtynh papularnaści infarmacyjnych internet-resursaŭ — za śniežań 2018 hoda.
Hety śpis bazujecca na adkrytych źviestkach partała Similarweb.com. Jon dazvalaje lubomu achvotnamu daviedacca pra papularnaść sajta i ŭbačyć, kolki karystalnikaŭ jaho adkryvali za minuły miesiac i kolki staronak u siarednim jany čytali. Kali pieramnožyć hetyja ličby, atrymajecca kolkaść prahledžanych staronak. Naprykład, pavodle Similarweb, za śniežań «Naša Niva» mieła 5,7 miljona prahladaŭ.
Dadzienyja inšych ličylnikaŭ mohuć adroźnivacca, naprykład, Google Analytics naličyŭ «NN» 7,5 miljona prahladaŭ.
Dadzienyja ad Similarweb.com bolš dakładnyja dla bujnych partałaŭ, ź mienšymi sajtami imaviernaść statystyčnaj pamyłki pavialičvajecca. Taksama sistema nie ŭličvaje prahlady tak zvanych AMP-staronak.
Ułaśniki niekatorych sajtaŭ dałučajuć da svajho profila ŭ Similarweb akaŭnt Google Analytics. U takim razie možna pahladzieć dadzienyja ab prahladach ad abiedźviuch sistem. Adnak rejtynh my farmirujem tolki pa ličbach ad Similarweb.
My raznosim dadzienyja z Similarweb u piać słupkoŭ. Što jany aznačajuć?
Vizity (sieansy) uličvajuć kožny ŭvachod na sajt kožnaha karystalnika. Kali ŭ śniežni vy zachodzili na «NN» kožny dzień, sistema musić padličyć 30 vizitaŭ.
Nastupny słupok — prahlady staronak za vizit. Jon pakazvaje, kolki navinaŭ vy adkryvajecie adna za adnoj. U «NN» hety pakazčyk samy vysoki z usich miedyja, jakija trapili ŭ rejtynh.
Prahlady staronak — heta pieramnožany vynik vizitaŭ i prahledžanych staronak za vizit. Pa hetym pakazčyku my i ranžyrujem sajty.
Varta źviartać uvahu na dolu admovaŭ. Časam karystalnik vypadkova traplaje na ŭmoŭny «Sputnik» pa zamanlivaj spasyłcy — naprykład, z sacsietak ci z pošukavika. Adkryvaje na niekalki siekund materyjał i, rasčaravany, adrazu sychodzić. Farmalna vizit na sajt byŭ, ale vartaść takoha prahladu nižejšaja, čym ad pastajannaha čytača.
Inšy važny pakazčyk — dola vizitaŭ ź Biełarusi. Kali ŚMI maje mienš za pałovu vizitaŭ ź Biełarusi, to ci varta ličyć jaho biełaruskim? U naš rejtynh takija miedyja nie trapili.
Dla navinovaha składniku Tut.baja i Anłajniera padrabiaznaja statystyka nie pryvodzicca, bo jaje niama ŭ ahulnym dostupie. Ličba prahledžanych staronak u ich vypadku — suma prahledžanych staronak u kožnym z padraździełaŭ.
U rejtynh uklučanyja sajty, jakija majuć bolš za 1 miljon prahledžanych staronak za miesiac.
| № | Srodak masavaj infarmacyi | prahlady staronak (u miljonach) | vizity (u miljonach) | prahlady staronak za vizit | dola admovaŭ | dola vizitaŭ ź Biełarusi |
| 1 | Navinnyja padraździeły Tut.by — naviny, finansy, aŭto, sport, ledzi, 42, nieruchomaść, afiša | 96,03 | ||||
| 2 | Navinnyja padraździeły Onliner.by — ludzi, nieruchomaść, aŭto, technałohii | 38,74 | ||||
| 3 | Kp.by / Komsomolskaja pravda v Biełarusi | 6,74 | 2,08 | 3,24 | 63% | 75% |
| 4 | Pressball.by / Priessboł | 6,34 | 1,70 | 3,73 | 42% | 85% |
| 5 | NN.by / Naša Niva | 5,67 | 1,50 | 3,78 | 42% | 79% |
| 6 | Belaruspartisan.by/ Biełorusskij partizan | 4,92 | 1,52 | 3,24 | 52% | 80% |
| 7 | Naviny.by / Naviny | 4,11 | 2,13 | 1,93 | 68% | 63% |
| 8 | Gazetaby.com / Salidarnaść | 4,09 | 1,77 | 2,31 | 70% | 52% |
| 9 | Sputnik.by / Sputnik Biełaruś | 4,06 | 2,62 | 1,55 | 70% | 53% |
| 10 | By.tribuna.com / Trybuna | 4,04 | 1,24 | 3,26 | 47% | 85% |
| 11 | Sb.by / SB. Biełaruś Siońnia | 3,94 | 1,67 | 2,36 | 69% | 78% |
| 12 | Belta.by / BiełTA | 3,92 | 1,86 | 2,11 | 60% | 77% |
| 13 | S13.ru (Hrodna) | 3,47 | 1,20 | 2,89 | 44% | 90% |
| 14 | Udf.by | 2,98 | 0,88 | 3,38 | 55% | 81% |
| 15 | Virtualbrest.by / Virtualnyj Briest | 2,45 | 0,67 | 3,66 | 36% | 94% |
| 16 | Gomel.today / Silnyje Novosti (Homiel) | 2,45 | 0,87 | 2,81 | 57% | 88% |
| 17 | Tvr.by / Biełteleradyjokampanija | 2,35 | 1,05 | 2,24 | 55% | 87% |
| 18 | Citydog.by | 2,13 | 1,01 | 2,11 | 62% | 85% |
| 19 | Kyky.org | 2,07 | 1,08 | 1,92 | 82% | 51% |
| 20 | Belsat.eu / Biełsat | 1,53 | 0,75 | 2,04 | 63% | 68% |
| 21 | Intex-press.by / Inteks-pres (Baranavičy) | 1,91 | 1,17 | 1,63 | 79% | 51% |
| 22 | Svaboda.org / Radyjo Svaboda | 1,30 | 0,64 | 2,04 | 59% | 76% |
| 23 | Ont.by / ANT | 1,09 | 0,64 | 1,71 | 76% | 57% |
| 24 | Euroradio.fm / Jeŭraradyjo | 1,04 | 0,72 | 1,45 | 79% | 74% |
