Pa heta forvard zbornaj Biełarusi paviedamiŭ u admysłovym liście, dasłanym u kłub.
Forvard «Saturna» (Rasija) i zbornaj Biełarusi Leanid Koviel admoviŭsia viarnucca ŭ lvoŭskija «Karpaty».
Pra heta jon paviedamiŭ kłubu ŭ aficyjnym liście. Pavodle hulca jon maje namier padać pratest u arbitražny sud u Łazanie na vierdykt Pałaty pa raźviazańni sprečak FIFA pra toje, što jaho pierachod ŭ padmaskoŭnuju kamandu źjaŭlajecca niezakonnym.
Raniej «Karpaty» paviedamili futbalistu, što da 21 śniežnia jon pavinien prybyć u rasparadžeńnie lvoŭskaj kamandy. U vypadku admovy «Karpaty» hatovy źviarnucca ŭ FIFA z prośbaj zabaranić Kovielu hulać za lubuju inušiu kamandu i pakarać hulca štrafam za parušeńnie ŭmovašŭ kantraktu, piša rasijski partał Sport-Siehodnia.
***
Nahadajem, što 30 listapada stała viadoma, što pierachod 22‑hadovaha forvarda «Saturna» i zbornaj Biełarusi ź lvoŭskich «Karpataŭ» u ramienski «Saturn» u studzieni 2008 hodu pryznany niesapraŭdnym.
Pałata pa vyrašeńni sprečak FIFA pastanaviła, što ŭ futbalista jość dziejučy kantrakt z ukrainskim klubam, jaki skančajecca ažno 31 śniežnia 2011 h.
Koviel debiutavaŭ za «Saturn» 30 lipienia 2008 h. Zhulaŭ u čempijanacie Rasiei 13 matčaŭ. Miačoŭ nie zabivaŭ, tolki adzin u Kubku Intertota dy dva za moładzievy skład «Saturna». Hulec moładzievaj i nacyjanalnych zbornych Biełarusi.
Minskija ŭłady raskazali, jak buduć zmahacca z «akijanam aŭtamabilaŭ» u dvarach2
Kamientary