Alaksandr Łukašenka paćviardžaje svaju pazicyju ab nieabchodnaści chutčejšaha ŭrehulavańnia kanfliktu va Ukrainie. Pra heta jon zajaviŭ 14 studzienia na sustrečy z ukrainskim palityčnym i dziaržaŭnym dziejačam Viktaram Miedviedčukom, paviedamlaje pres-słužba kiraŭnika krainy.
«Hetaje nieparazumieńnie (inakš nie nazavieš) treba zakančvać. Brackija respubliki, narody… Robim našym voraham i supiernikam padarunak svaimi rukami», — skazaŭ kiraŭnik dziaržavy.
Alaksandr Łukašenka adznačyŭ, što jamu važna pačuć pazicyju Viktara Miedviedčuka pa mnohich pytańniach, asabliva pa tych padziejach, jakija razhortvajucca va Ukrainie. «Dla mianie heta važna nie tolki tamu, što ja asabista chvareju za toje, što tam adbyvajecca, ale i tamu, što heta naša rodnaja Ukraina. Ja i słužyŭ, šmat razoŭ byvaŭ tam, dy i nie chavaju, što maje staražytnyja karani sychodziać tudy, pamiž Čarnihavam i Kijevam, — padkreśliŭ biełaruski kiraŭnik. — Jašče asnovaj usim źjaŭlajucca i našy adnosiny z Ukrainaj. I ŭ pačatku hetaha kanfliktu pa našych dadzienych, a my vyrazna viali ŭlik, da 150 tys. čałaviek chłynuŭ patok z Ukrainy. I my dali im roŭnyja ŭmovy i pravy z našymi biełarusami. Choć tady było niaprosta. Ale, dziakuj bohu, usio abyšłosia. Niechta nazad viarnuŭsia, chtości jeździć tudy-siudy, a niechta abstalavaŭsia, žyvie i pracuje tut jak našy blizkija, rodnyja ludzi. Jość i niehatyŭnyja faktary padziej, jakija tam adbyvajucca. Ja pra heta publična zaŭsiody kažu».
Kiraŭnik dziaržavy adznačyŭ, što viedaje pazicyju Viktara Miedviedčuka ab narmalizacyi situacyi pamiž Rasijaj i Ukrainaj. «Vy vałodajecie infarmacyjaj i pra palityku, pra hetu ŭnutranuju palityčnuju kuchniu, jakaja ciapier razhortvajecca. Z punktu hledžańnia našych dalejšych pavodzinaŭ — Biełarusi — nam vielmi važnaja vaša infarmacyja. Vy pavinny mianie niejak zaryjentavać u hetaj situacyi», — skazaŭ jon
Viktara Miedviedčuka taksama nazyvajuć kumam Pucina.
Hałyhina prymusili apraŭdvacca za zvarot da siłavikoŭ u 2020-m17
Hałyhina prymusili apraŭdvacca za zvarot da siłavikoŭ u 2020-m
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary