Ad siońnia jaho možna spampavać u App Store i Google Play
Usie novyja funkcyi, taryfy i prapanovy servisu Uber buduć dastupnyja ŭ Uber BY, a dadatkam Uber možna budzie skarystacca tolki za miažoj. U honar vypusku novaha dadatku karystalniki mohuć atrymać źnižki da 40%, paviedamili ŭ kampanii.
Dla hetaha pry zamovie pajezdki ŭ Uber BY treba paznačyć kančatkovuju kropku maršrutu i vybrać apłatu kartaj. Źnižki dziejničajuć z 17 da 31 studzienia.
U dadatku źjavilisia funkcyi, jakich niama ŭ papiaredniaj viersii. Zaraz možna napisać kamientar da zamovy; dadać pramiežkavyja adrasy, kali pa darozie treba kudyści zajechać; pakinuć kiroŭcu čajavyja, jakija śpišucca prosta z karty, pahladzieć historyju pajezdak.
Akramia taho, Uber BY ŭmieje rekamiendavać alternatyŭnyja punktu pasadki, da jakich možna za paru chvilin dajści pieššu, kab źjechać chutčej i tańniej.
Pry rehistracyi treba ŭvieści numar telefona, jaki byŭ pryviazany da Uber, i ŭ novy dadatak Uber BY aŭtamatyčna dadaducca historyja pajezdak, lubimyja adrasy, pryviazanyja płaciežnyja karty i elektronnaja pošta dla spravazdač ab zamovach.
Jak mučyli Cila Švajhiera i centry haradoŭ, kab stvaryć karcinku dla sudzimaha za machlarstva prateže Dźmitryja Baskava15
Kamientary