Ale kab ich atrymać nie dastatkova prosta dobra vučycca – treba jašče dasiahnuć pośpiechaŭ u hramadzkaj rabocie – u volny čas i na dobraachvotnych pačatkach.
Paśpiavajučym studentam i navučencam SSNU buduć pradastaŭlacca skidki pry płacie za navučańnie. Takoje rašeńnie źmiaščajecca ŭ pastanovie Savieta Ministraŭ Biełarusi numar 665.
Jak raskazaŭ u hutarcy z karespandentam BIEŁTA pieršy namieśnik ministra adukacyi Alaksandr Žuk, hety dakumient raspracavany ŭ adpaviednaści z ukazam kiraŭnika dziaržavy i rehuluje paradak pradastaŭleńnia skidak sa sfarmiravanaha koštu navučańnia studentaŭ i navučencaŭ dziaržaŭnych VNU i SSNU, a taksama pamiery hetych skidak niezaležna ad viedamasnaj padparadkavanaści hetych ustanoŭ.
Skidki pradastaŭlajucca studentam i navučencam, jakija dasiahnuli vysokich pakazčykaŭ u navučalna-paznavalnaj, navukova-daśledčaj dziejnaści i hramadskaj rabocie. Prava na lhotu majuć taksama členy małazabiaśpiečanych siemjaŭ, dzieci-siroty, dzieci, jakija zastalisia biez apieki baćkoŭ, i asoby va ŭzroście ad 18 da 23 hadoŭ, jakija stracili apošniaha z baćkoŭ u pieryjad navučańnia.
Alaksandr Žuk adznačyŭ, što vysokija pakazčyki navučalna-paznavalnaj dziejnaści - heta najaŭnaść pa vynikach navučalnaha hoda nie mienš za 50 pracentaŭ adznak dziesiać i dzieviać bałaŭ, a astatnija adznaki - nie nižej za šeść bałaŭ. Vysokimi pakazčykami ŭ navukova-daśledčaj dziejnaści źjaŭlajucca vykanańnie zadańniaŭ i kursavych rabot, roznych prajektaŭ z elemientami navukovych daśledavańniaŭ, udzieł u rabocie studenckich navukova-daśledčych łabaratoryj i hurtkoŭ, najaŭnaść navukovych publikacyj.
Pavodle słoŭ pieršaha namieśnika ministra, hramadskaja rabota pavinna ažyćciaŭlacca ŭ svabodny čas i na dobraachvotnych pačatkach. Vysokimi pakazčykami hramadskaj raboty studentaŭ i navučencaŭ ličycca ŭdzieł u rabocie orhanaŭ samakiravańnia ŭstanovy adukacyi, u arhanizacyi i praviadzieńni hramadska značnych mierapryjemstvaŭ, akcyj, šefstva nad vieteranami vajny i pracy, udzieł u spartyŭnych spabornictvach, u arhanizacyi i padrychtoŭcy kulturna-masavych mierapryjemstvaŭ, zaniatki mastackaj i techničnaj tvorčaściu, šefstva nad ciažkimi padletkami, udzieł u vałanciorskim, budatradaŭskim ruchu i hramadska karysnaj pracy.
Pamier skidak zaležyć ad siaredniaha bała paśpiavajučych studentaŭ i navučencaŭ pa vynikach zdačy za navučalny hod usich ispytaŭ, prajektaŭ, usich vidaŭ praktyk. Jon nie moža pieravyšać 60 pracentaŭ ad sfarmiravanaha koštu navučańnia na hod. Pry vyznačeńni siaredniaha bała nie ŭličvajucca adznaki pa fakultatyŭnych dyscyplinach, dyscyplinach dla nabyćcia druhoj śpiecyjalnaści i dla atrymańnia akademičnaj stupieni bakałaŭra abo mahistra.
Studenty i navučency, jakija pretendujuć na skidki ŭ nastupnym navučalnym hodzie, pavinny padać piśmovuju zajavu ŭ kamisiju da 20 žniŭnia. Na padstavie padadzienych zajaŭ na praciahu 5 dzion buduć padrychtavany śpisy. Kamisija abaviazana pryniać rašeńnie ab pradastaŭleńni skidak studentam i navučencam nie paźniej za 1 vieraśnia.
Alaksandr Žuk raskazaŭ taksama, što skidki pradastaŭlajucca z druhoha kursa navučańnia terminam na adzin navučalny hod. Studenty i navučency, jakija majuć akademičnuju zapazyčanaść, prava na lhotu nie majuć. Kamisija moža pazbavić skidki ŭ vypadku atrymańnia niezdavalniajučych adznak u čas ekzamienacyjnaj siesii abo parušeńnia pravił unutranaha rasparadku i hramadskaha paradku.
Škała pamieraŭ skidak studentam i navučencam, jakija dasiahnuli vysokich pakazčykaŭ u navučalna-paznavalnaj, navukova-daśledčaj dziejnaści i hramadskaj pracy, vyhladaje prykładna tak: kali siaredni bał paśpiachovaści ad 7,46 da 8,25, to pamier skidki składaje - 20 pracentaŭ, ad 8,25 da 9,0 - 40 pracentaŭ, a bolš za 9,0 - 60 pracentaŭ, udakładniŭ Alaksandr Žuk.
Ciapier čytajuć
Staŭ hierojem Mahiloŭskaha ŭniviera, źbiraŭ falkłor, pracavaŭ na biełarusizacyju sadkoŭ — raskazvajem pra Jaŭhiena Bojku, asudžanaha za salidarnaść z palitviaźniami

Kamientary