U minskim bary naviednicam prapanavali za kaktejl pakazać hrudzi
Havorka idzie pra bar Killfish, jakich u Minsku dva.
Pry hetym i ŭ adnym, i ŭ druhim bary administratarki spasłalisia adna na adnu:
«Nie, heta nie naša akcyja, našy akcyi ŭsie možna pahladzieć na našym sajcie, a nakont hetaha telefanujcie ŭ druhi Killfish».
Miž tym rekłama zaprašaje pakazać hołyja hrudzi i atrymać za heta kaktejl.
Čamu takija akcyi ŭsio jašče zapatrabavanyja ŭ śviecie, dzie žančyny adstojvajuć svaje pravy, «Naša Nina» zapytała ŭ administratarki pablika «Fieminizm» Maryi Andronavaj:
«Sprava ŭ tym, što ŭ sučasnym śviecie žančyna ŭsio jašče ŭsprymajecca jak abjekt: u tym liku i seksualny. Mienavita heta i vykarystoŭvaje padobnaja rekłama. Z adnaho boku, takaja rekłama jak byccam by nakiravana na žančyn: hladzicie, možacie atrymać biaspłatny kaktejl, a ŭsiaho ž cycki pakazać treba, raźniavoleńnie, što drennaha?
A na samaj spravie metavaj aŭdytoryjaj źjaŭlajucca mužčyny: maŭlaŭ, prychodźcie ŭ naš bar, moža, navat ŭbačycie cycki ŭ kaho-niebudź, chto paviadziecca na našu ŭlotku.
Toje samaje my nazirajem, kali ŭ bary prapanoŭvajuć kaktejli dla žančyn naohuł biaspłatnyja. Raźlik na mužčyn, jakija pryjduć u bar, kab znajomicca z pjanymi dziaŭčynami (i zvyčajna heta spracoŭvaje, mužčyny prychodziać). Toj ža pryncyp, tolki bolš zapuščany vypadak».
Adnak, ličyć Maryja Andronava, nie tak strašnaja padobnaja rekłama, jak vodhuki ŭ hramadstvie na jaje:
«Na adnu adekvatnuju niehatyŭnuju reakcyju pryjdziecca dziesiać «što takoha?!» ad tych ža mužčyn, jakija raniej by nie pahladzieli ŭ bok ustanovy, a ciapier daviedajucca pra jaje mienavita praz hetu sprečnuju rekłamu».
Ale za rekłamaj, praciahvaje Maryja, stajać bolš hłabalnyja rečy:
«My bačym ništo inšaje, jak handal žanočym ciełam za niejkuju ŭjaŭnuju vyhadu. Ničoha novaha: takoje žančynam prapanoŭvajuć pastajanna, dla mužčyn, viadoma, takich akcyi nie było i nie budzie, tamu što jany ž ludzi, u adroźnieńnie ad žančyn. Dzie heta bačna, kab jany raspranalisia za kaktejl, takoje nie pryniata. A voś žančyny — čamu nie? Źviadzieńnie žančyny da niečaha seksualnaha — całkam standartny chod».
Ciapier čytajuć
«Svoj nos ź Biełastoka jany nie vysoŭvajuć». Biełarusy Padlašša skardziacca, što biełarusy novaj chvali emihracyi nie zacikaŭlenyja supolnymi spravami2121
Kamientary