Sacyjalnaja sietka «Fejsbuk» u admysłovym pres-relizie paviedamiła, što błakuje amal 500 staronak, jakija tak ci inakš źviazanyja z rasijskim infarmacyjnym ahienctvam «Sputnik».
Stała viadoma, što ranicaj 17 studzienia była zabłakavanaja i staronka biełaruskaj redakcyi «Sputnik». Pres-sakratar partała Pavieł Tuchto tak tłumačyć situacyju:
«Rašeńnie adnaznačna čysta palityčnaje, faktyčna cenzura — zabłakavana 7 staronak redakcyj u krainach blizkaha zamiežža. Redakcyi «Sputnik» zajmajucca navinami i robiać heta dobra. I kali błakiroŭka — heta adzinaja reakcyja Facebook na jakasnuju pracu ŚMI, to pytańniaŭ u nas niama - tut usio vidavočna. A voś nadzieja, što zdarovy sens pieramoža, jość. Ciapier kalehi vyvučajuć situacyju. Raniej zahružany kantent u Facebook i Instagram dastupny, staronki nie vydalenyja. Pakul dla prasoŭvańnia my vykarystoŭvajem inšyja sacyjalnyja sietki, — raskazaŭ Pavieł Tuchto.
Ad 2013 hoda «Sputnik» patraciŭ na prasoŭvańnie svajho kantentu ŭ Fejsbuku 130 tysiač dalaraŭ. Sietka dziejničała ŭ Bałtyi, Centralnaj Azii, u Zakaŭkaźzi, a taksama ŭ krainach Uschodniaj i Centralnaj Jeŭropy, u tym liku Biełarusi. Uładalniki akaŭntaŭ i staronak pieravažna pradstaŭlalisia niezaležnymi vydańniami abo supołkami na ahulnyja temy kštałtu padarožžaŭ, nadvorja ci palityki ŭ roznych krainach, uvodziačy karystalnikaŭ u padman.
«Sputnik» — heta navinnaje ahienctva, zasnavanaje pradpryjemstvam «Rasija siehodnia», hiendyrektaram jakoha źjaŭlajecca prapahandyst Dźmitryj Kisialoŭ.
Staronka biełaruskaha «Sputnika» mieła 18 tysiač padpisčykaŭ.
Ciapier čytajuć
Biełaruska zakazała na Wildberries 34 kupalniki i atrymała chvalu nianaviści ŭ sacsietkach12
Kamientary