Prajekt maje ŭklučać u siabie roznaha typu mierapryjemstvy (videalekcyi, treninhi, padručniki), a jaho realizacyja praduhledžvaje ciesnuju supracu ź inšymi adukacyjnymi i ekśpiertnymi asiarodkami.
«Navyki krytyčnaha myśleńnia — adny z najbolš zapatrabavanych u biznesie, adukacyi, navucy, miedycynie, IT…» — heta vynikaje z šerahu daśledavańniaŭ nad čałaviečym kapitałam. U raźvitych krainach z hodu ŭ hod pavialičvajecca kolkaść padručnikaŭ, treninhaŭ i publikacyj pa krytyčnym myśleńni. Poruč z vałodańniem anhielskaj movaj i kamputarnaj piśmiennaściu, krytyčnaje myśleńnie — heta propusk u XXI stahodździe.
Kolki padručnikaŭ abo treninhaŭ pa krytyčnym myśleńni ŭ Biełarusi? Kolki razoŭ u Kodeksie ab adukacyi RB zhadvajecca krytyčnaje myśleńnie? Kolki biełarusaŭ viedaje ŭvohule, što takoje krytyčnaje myśleńnie? Na žal, Biełaruś u hetym płanie źjaŭlajecca «niekranutaj ziamloj»: treninhaŭ — ličanyja adzinki, padručnikaŭ uvohule niama, a navat navukoŭcy-humanitary błytajuć krytyčnaje myśleńnie z krytyčnymi teoryjami.
Uličvajučy stratehičnuju važnaść krytyčnaha myśleńnia, BISS paličyŭ svaim abaviazkam zrabić układ u prasoŭvańnie navykaŭ i viedaŭ z hetaha abšaru. Na dadzieny momant my zapuskajem testavuju viersiju videalekcyj. Adnačasova praciahvajem šukać partnioraŭ i resursy z metaj zabieśpiačeńnia vysokaj jakaści i tryvałaści hetaha prajektu. Pa miery ich znachodžańnia i ŭstaloŭvańnia zvarotnaj suviazi my budziem udaskanalvać adukacyjnyja mierapryjemstvy jak u techničnym, tak i mietadyčnym płanie.
Kiraŭnikom prajektu budzie Piotr Rudkoŭski, jaki abaraniŭ doktarskuju dysiertacyju mienavita pa teoryi arhumientacyi (heta asnoŭny tearetyčny bazis krytyčnaha myśleńnia), a ŭ minułym pravodziŭ treninhi krytyčnaha myśleńnia dla roznych aŭdytoryjaŭ.
