35-hadovy hrodzieniec pryjechaŭ da svajoj svajački ŭ viosku Navumavičy, kab papalavać. Na palavańni mužčyna vypiŭ, ale jamu nie chapiła. Kali ałkahol skončyŭsia, hramadzianin vyrašyŭ kupić dadatkovuju dozu. Dla hetaha jon nakiravaŭsia ŭ kramu, piša miascovaja milicyja.
Uvajšoŭšy ŭ kramu, mužčyna nie ŭtrymaŭsia na nahach, upaŭ na šklany pryłavak, raźbiŭšy jaho, a zatym staŭ patrabavać ad pradaŭca plašku harełki «na veksal». Žančyna admoviła, tady mužčyna pakazaŭ pradaŭcu na ružžo, jakoje lažała ŭ čachle, i skazaŭ, što zaradzić jaho i adkryje ahoń, kali jana admovicca vydać śpirtnoje.
Hučnyja huki pačuŭ supracoŭnik kramy, jaki nakinuŭsia na mužčynu sa strelbaj. U hety momant pradaviec patelefanavała svajmu mužu, i toj dapamoh skrucić palaŭničaha.
Na miesca prybyli pravaachoŭniki. Strelbu kanfiskavali.
U dačynieńni da mužčyny raspačata kryminalnaja sprava pa artykule «Pahroza zabojstvam, pryčynieńniem ciažkich cialesnych paškodžańniaŭ abo źniščeńniem majomaści».
Ciapier čytajuć
Siłaviki zatrymali lidara hurta «Pałac» Aleha Chamienku4
Kamientary