Z 17 červienia pačynajucca biełaruska-rasiejskija vučeńni.
Z 17 červienia pačynajucca biełaruska-rasiejskija vučeńni.
Dla mnohich mužčyn letni adpačynak raspačniecca z vajskovych botaŭ, formy i ryštunku. Z 17 červienia na Damanaŭskim palihonie i kala Dzieraŭnoj pačynajucca biełaruska-rasiejskija vučeńni «Ščyt Sajuzu – 2006».
Pryzyŭ rezervistaŭ raspačniecca ŭžo 12 červienia, i najbolšy ciažar prypadzie na Biarozaŭski rajon, chacia asobnych niebarakaŭ z admysłovymi prafesijami pabiaruć i ź inšych rajonaŭ.
Tamu mnohim hetym letam daviadziecca adpačyvać nie na leciščy ci ŭ vioscy, a kapać akopy, poŭzać dy adnaŭlać zabytaje majsterstva šychtavańnia i maršyravańnia. Vučeńni praciahnucca da 25 červienia.
Usiaho ŭ vučeńniach čakajecca ŭdzieł šaści biełaruskich viertalotaŭ i 23 samalotaŭ, z Rasiei prylatuć 6 viertalotaŭ i 13 samalotaŭ.
Dasiul nieviadoma, ci pryjeduć na vučeńni kiraŭniki dziaržavaŭ – Pucin i Łukašenka. Na baranavickim aeradromie paśpiešna navodziać paradak – farbujuć, łamajuć, budujuć.
Užo sam fakt zaprašeńnia Pucina na vučeńni možna rasceńvać jak pośpiech ekanamičnaha šantažu Maskvy. Uzamien za ekanamičnuju padtrymku Biełaruś demanstruje hatoŭnaść i nadalej iści ŭ farvatery rasiejskaj palityki.
Rusłan Raviaka, Baranavičy
Kamientary