Były mer polskaha horada Słupsk i pieršy adkryty hiej siarod palitykaŭ krainy Robiert Biedroń zarehistravaŭ apazicyjnuju da ŭłady partyju pad nazvaj «Viasna». Pra heta piša DW.
U niadzielu, 3 lutaha, na źjeździe ŭ Varšavie Biedroń abviaściŭ, što partyja budzie ŭdzielničać u vybarach u Jeŭraparłamient, jakija adbuducca 23-26 maja. Biedroń skazaŭ, što choča kinuć vyklik ciapierašniaj palitycy Polščy i zavajavać miescy kirujučaj pravaj partyi «Prava i spraviadlivaść» (PiS).
«Niama miesca nianaviści, my dasiahnuli miažy», — skazaŭ jon pierad tysiačami prychilnikaŭ u Varšavie. «Nam patrebna viasna, jakaja abnović hety zmročny łandšaft», — dadaŭ jon.
Pa słovach Biedronia, prahrama jaho partyi zasnavana na troch słupach — čałaviek, hramadstva i dziaržava. Jana praduhledžvaje, u pryvatnaści, admovu Polščy ad zdabyčy vuhalu da 2035 hoda, skaračeńnie vysiečki lasoŭ i libieralizacyju zakona ab abortach u krainie. Palityk taksama vystupaje za zabaronu relihijnych vučeńniaŭ u škołach.
Partyja budzie adroźnivacca ad nacyjanalistyčnaj palityki PiS i rynkavaj palityki jaje hałoŭnaha supiernika, «Hramadzianskaj płatformy» (PO), skazaŭ Biedroń.
Biedroń pačaŭ svaju palityčnuju karjeru jak aktyvist ŁHBT u 1990-ch hadach. Byŭ abrany ŭ nacyjanalny parłamient u 2011 hodzie i ŭ 2014-2018 hh. zajmaŭ pasadu mera Słupska.
Ciapier čytajuć
Radyjoviadučy raskazaŭ pra ŭnutranuju kuchniu ANT — i pra toje, jak pieratvaryŭsia ŭ palitviaźnia2
Kamientary