Samym nieardynarnym udzielnikam nacyjanalnaha adboru na «Jeŭrabačańnie» staŭ ukrainiec z kataraktaj VIDEA
Siońnia ŭviečary stanie viadoma dziasiatka finalistaŭ nacyjanalnaha adboru na Jeŭrabačańnie-2019, jakoje adbudziecca ŭ mai u Izraili.
Ciaham dnia, 113 vykanaŭcaŭ z 11 krain śvietu zmahalisia za prava pradstaŭlać Biełaruś.
Siarod udzielnikaŭ byli i tyja, chto nie ŭpieršyniu sprabuje skaryć žury nacyjanalnaha adboru, takija jak «Napoli», jakija sprabujuć siabie ŭ adbory ŭžo šosty hod zapar, Natalla Kudryna, Jaŭhien Dolič, hurt «PROvokacija», Alaksiej Hros.
Pieśniu na biełaruskaj movie pradstaviŭ Andruś Takindanh.
Darečy, jon byŭ nie adziny, chto addaŭ pieravahu biełaruskamoŭnaj pieśni. Naprykład, Julija Hlebava akampanavała sabie na cymbałach, pieśniu na biełaruskaj movie vykanaŭ i pank Viktar Łupasin.
Pradstaŭlać Biełaruś vykazali žadańnie i vykanaŭcy sa Šviecyi, Rumynii, Nihieryi i Vielikabrytanii.
Nie abyšłosia i biez frykaŭ.
Maryja Hrehary, naprykład, šakavała svaim videa na pieśniu jašče da siońniašniaha prasłuchoŭvańnia. U jutubie jaje klip, dzie jana lotaje pobač z Alaksandram Łukašenkam, pahladzieła ŭžo kala 100 tysiač čałaviek.
Bajanist Vital Varanko i Arciom Saroka, udzielniki «Doma -2» pradstavili pieśniu pra bulbu.
Adnak najbolš zapomnicca, napeŭna, udzielnik z Ukrainy, Pavieł Łašančuk.
Jon vychodziŭ na scenu dvojčy. Spačatku raskazaŭ, što zapisaŭ 26 varyjantaŭ svajoj pieśni, paśla paskardziŭsia na toje, što ŭ jaho niama «minusa», tamu što nie ŭmieje karystacca kampjutaram. Paśla paprasiŭ nie śviacić jamu ŭ vočy aśviatlalnymi pryborami, bo ŭ jaho «pačatkovaja katarakta».
«Minus» paźniej znajšoŭsia. I Pavieł Łašančuk usio ž praśpiavaŭ pieśniu pra Ukrainu na ŭkrainskaj movie.
Dla vykanańnia ŭdzielniki pieravažna vybirali liryčnyja rečy.
Naprykład, udzielnik sa Šviecyi Siebaśćian Ros.
Favarytkaj ža adboru ličacca 16-hadovaja śpiavačka Ziena (Zina Kupryjanovič), pradziusaram jakoj źjaŭlajecca Viktar Drobyš, čyim prateže na Jeŭrabačańni ŭ 2016 hodzie byŭ śpiavak IVAN.
Ciapier čytajuć
Što Babaryka i Kaleśnikava adkazali na pytańni pra vajnu97
Kamientary