Sprečku adnosna padatkovaha manieŭra pamiž Minskam i Maskvoj treba vyrašać, ale varta zrazumieć, u jakim farmacie. Pra heta zajaviŭ pasoł Rasii ŭ Biełarusi Michaił Babič u intervju RT.
— Z adnaho boku, hetaja sprečka, viadoma, jość. Kali vy pahladzicie na dynamiku našych adnosin za apošnija 20 hadoŭ, to jana ŭźnikała kožny hod, za redkim, moža być, vyklučeńniem. I zaŭsiody kampramis dasiahaŭsia, zaŭsiody kampramis znachodziŭsia, i my zaŭsiody znachodzili rašeńnie ŭ kudy bolš składanych ekanamičnych umovach.
Pasoł adznačyŭ, što pytańnie nie ŭ tym, kab vyrašyć niejkuju kankretnuju sprečku, a zrabić heta z ulikam nieabchodnaści «danaładki» Sajuznaj dziaržavy i stvareńnia adzinaj pramysłovaj i ekanamičnaj palityki.
— Ciapier my znachodzimsia na etapie farmiravańnia adzinaha rynku nafty i hazu ŭ JEAES, i vychapić siońnia z kantekstu pytańnie dvuchbakovych adnosin, vyrašyć jaho ŭ škodu abo za košt jeŭrazijskich adnosin — heta taksama niapravilna, i nasupierak dasiahnutym damoŭlenaściam.
Pa słovach Babiča, ciapier vyrašajecca pytańnie ab tym, u jeŭrazijskim ci sajuznym farmacie vyrašyć sprečku ab padatkovym manieŭry i ŭ miežach jakoha zakanadaŭstva.
— Našy adnosiny vielmi prefierencyjnyja. I zrazumieła, što kali my ich vybudoŭvajem na hetaj asnovie, to astatnija našy partniory taksama pretendujuć na takija adnosiny, asabliva ŭ miežach Jeŭrazijskaha sajuza. Tamu tam dastatkovaja kolkaść pytańniaŭ, jakija ŭ bližejšy čas treba budzie vyrašyć.
Nahadajem, Alaksandr Łukašenka i Uładzimir Pucin abmiarkujuć 13 lutaha ŭ Sočy dziejnaść rabočaj hrupy pa intehracyi dźviuch krain. Pasoł Biełarusi ŭ Rasii Uładzimir Siamaška vykazaŭ upeŭnienaść, što prezidenty padčas hetaj sustrečy vyrašać pytańnie padatkovaha manieŭru.
Kamientary